Покистонда 25 нафар ҳарбий ҳалок бўлди, 27 жангари йўқ қилинди
Покистоннинг Хайбер-Пахтунхва вилоятида 25 аскар ҳалок бўлди. Бундан ташқари, 27 нафар жангари йўқ қилинди, дея хабар қилди Anadolu.
Покистон
армияси маълумотларига кўра, эрталаб Дера Исмоил Хон туманидаги хавфсизлик
постларидан бирида худкуш-террорчи ва бомба ўрнатилган автомобиль портлаган. Теракт
оқибатида 23 нафар ҳарбий хизматчи ҳалок бўлди. Шу билан бирга, 6 нафар жангари
йўқ қилинган.
Қайд этилишича, бино қулаб тушгани учун қурбонлар сони кўп бўлган, жароҳатланганлар ҳам бор.
Бундан ташқари, Покистон хавфсизлик кучлари Дера Исмоил Хон
туманидаги Даразинда ва Кулачи мавзеларида ҳам амалиёт ўтказди. Даразинддаги
тўқнашувларда 17 нафар жангари, Кулачида 4 нафар жангари зарарсизлантирилди. Бундан ташқари,
икки покистонлик ҳарбий ҳалок бўлган.
Покистон армияси жангарилар қайси ташкилотга аъзо экани
ҳақида маълумот бермаган.
Мавзуга алоқадор
-
Ўзбекистон мусулмонлари идораси ва Жанубий Корея мусулмонлари федерацияси ўртасида англашув меморандуми имзоланди. Унда диний таълим ва имом-хатиблар тажриба алмашинувини йўлга қўйиш, Жанубий Кореяда меҳнат муҳожирлари кўп жойлашган ҳудудлардаги жоме масжидларга ўзбекистонлик имом-хатибларнинг маърифий суҳбатлар ташкил этиш кабилар кўзда тутилган.
-
Қирғизистоннинг Боткен шаҳрида 10-16 январь кунлари топографик ишчи гуруҳининг навбатдаги йиғилишида қирғиз-тожик давлат чегарасининг 38 километрини делимитация (умумий чегараларнинг йўналиши ва ҳолатини аниқлаш) ҳамда демаркация (чегара белгиларини кўрсатган ҳолда давлат чегарасини белгилаш) бўйича келишувга эришилди.
