Мирзиёев муфтий Нуриддин Холиқназаровни “Олий даражали Имом Бухорий” ордени билан тақдирлади

Олдинроқ, президент Шавкат Мирзиёевнинг фармонига мувофиқ, Ўзбекистон мустақиллигининг ўттиз тўрт йиллиги муносабати билан турли соҳалар вакиллари фахрий унвонлар, орден ва медаллар билан мукофотланган эди.

Бугун, 27 август куни Тошкент шаҳрида ушбу мукофотларни топшириш маросими бўлиб ўтди. Жумладан, Мирзиёев мусулмонлар идораси раиси, муфтий Нуриддин Холиқназаровга “Олий даражали Имом Бухорий” орденини топширди.

Қайд этилишича, муфтий Ўзбекистон мустақиллигини мустаҳкамлаш ҳамда бошқа ватан равнақи йўлидаги кўп йиллик хизматлари учун тақдирланган.

Шунингдек, Хоразм ва Андижон вилоятлари ҳамда Тошкент шаҳри бош имом-хатиблари, пойтахтдаги "Минор" масжиди имом-хатиби ҳам "Имом Бухорий" орденига сазовор бўлган.