Марказий Осиё давлатлари ва АҚШ ўртасида «C5+1» форматидаги йиғилиш бўлиб ўтди
27 сентябрь куни Нью-Йорк шаҳрида БМТ Бош Ассамблеясининг 79 йиллик сессияси доирасида «C5+1» минтақавий дипломатик платформаси шафелигида Ўзбекистон, Қозоғистон, Қирғизистон, Тожикистон ва Туркманистон ташқи ишлар вазирлари ҳамда АҚШ давлат котиби ўртасида учрашув бўлиб ўтди.
Ўзбекистон ТИВ
матбуот хизматининг хабар қилишича, учрашувда Ўзбекистон ташқи ишлар
вазири иқтисодий ҳамкорликни кенгайтириш, барқарор ривожланишни
қўллаб-қувватлаш, транспорт-логистика ўзаро боғлиқлигини мустаҳкамлаш,
минтақада тинчлик ва фаровонликка кўмаклашиш борасидаги саъй-ҳаракатларнинг
аҳамиятини таъкидлаган.
Таъкидланишича, экологик ўзгаришлар оқибатларини юмшатиш бўйича биргаликдаги
саъй-ҳаракатларга алоҳида эътибор қаратилган.
«АҚШ Давлат котиби Энтони Блинкен 2023 йил 19 сентябрда
бўлиб ўтган „C5+1“ давлат раҳбарларининг биринчи саммити якунлари бўйича
эришилган келишувларни, шунингдек, Нью-Йорк декларациясини самарали амалга
оширишга содиқлигини билдириб, минерал ресурслар бўйича „C5+1“ мулоқотининг;
АҚШ ва Марказий Осиё бизнес ҳамкорлигини қўллаб-қувватлаш бўйича биринчи „B5+1“
форуми ва ногиронлик ҳуқуқлари бўйича „C5+1“ махсус сессияси ўтказилаётгани
олқишлади», — дейилади хабарда.
Иштирокчилар, шунингдек, терроризм,
экстремизм, наркотрафик, трансмиллий ва кибержиноятчиликка қарши курашиш ҳамда
радикаллашувга қарши курашиш бўйича биргаликдаги саъй-ҳаракатларни янада
фаоллаштириш ва мувофиқлаштириш зарурлигини тилга олган.
2025 йилда «C5+1» формати доирасидаги ҳамкорликнинг ўн
йиллиги нишонланади.
Шу муносабат билан томонлар минтақа мамлакатлари ва АҚШнинг глобал масалаларга
минтақавий ечимларни излашни давом эттириш, шунингдек, «C5+1» дипломатик
платформаси доирасида ҳамкорликни чуқурлаштириш истагини олқишлаган.
Мавзуга алоқадор
-
Аташеҳир тумани Миллий таълим мудирлиги мактабларга дарс соатларини жума намозига кўра ташкил этиш бўйича кўрсатма юборди.
-
Ўзбекистон президенти Шавкат Мирзиёев Тожикистон президенти Эмомали Раҳмоннинг таклифига биноан 18-19 апрель кунлари давлат ташрифи билан ушбу мамлакатда бўлди. Шавкат Мирзиёев ташриф давомида Эмомали Раҳмон тор доирада ва кенгайтирилган таркибда музокаралар ўтказди, шунингдек, Тожикистон Парламенти қуйи палатаси раиси Маҳмадтоир Зокирзода ва бош вазир Қоҳир Расулзода билан учрашувлар ўтказди. Ташрифнинг қисқача тафсилоти.
