Илҳом Алиев: Турк дунёсининг кучайиши ТДТни катта куч марказига айлантиради

Озарбайжон президенти Илҳом Алиев Турк дунёсининг кучайиши Туркий Давлатлар Ташкилотини катта куч марказига айлантиришини таъкидлади. Озарбайжон раҳбари Туркий тилли давлатлар Парламент Ассамблеясига аъзо давлатлар парламентлари раислари билан учрашувдаги бошқа баёнотлари:

▪️ Бугунги кунда озод қилинган ҳудудларда кенг йўл-транспорт инфратузилмаси яратилмоқда ва бу улкан лойиҳаларни амалга оширишда Туркия компаниялари фаол иштирок этмоқда.

▪️ Шушада қурилган янги автомагистралда 7 та туннель, 9 та виадук (тешик кўприк, йўл устидан ўтган кўприк), кўплаб кўприклар қурилди, пудратчиларнинг аксарияти Туркиядан келган компаниялардир.

▪️ Озод қилинган ҳудудларда туркий дунёнинг бирлигини яққол кўрмоқдамиз.

▪️ Транспорт йўллари, энергия ресурслари, инсон капитали, аҳоли сонининг кўпайиши, ижобий демографик вазият – бу улкан салоҳият. Бизнинг вазифамиз бу салоҳиятни жаҳон миқёсида буюк кучга айлантиришдан иборат.

▪️ Туркий давлатлар ташкилотининг норасмий саммити июнь ойида Шуша шаҳрида бўлиб ўтади.

▪️ Озарбайжон ва Венгрия стратегик шериклардир, тегишли ҳужжатлар имзоланган.

▪️ Қирғизистон билан муносабатларимиз қардошлик асосида қурилган.

▪️ Қирғизистон президенти ўз ташаббуси билан Агдам туманида мактаб қурилишини қўллаб-қувватлади ва ўтган ой биргаликда унинг пойдеворини қўйган эдик. Буларнинг барчаси биродарликнинг намоёнидир.