Швецияда Исроилнинг Elbit Systems ширкати корхонасида отишма содир бўлди

Швециянинг Гетеборг шаҳрининг Каллебек туманида Исроилнинг Elbit Systems мудофаа ширкати идорасида отишма содир бўлди. Маҳаллий TV4 Nyheterna телеканалининг хабар беришича, 15 ёшдан кичик бўлган ўсмир йигит Исроил компанияси биносига қарата ўт очган. Дастлабки маълумотларга кўра, ҳодиса оқибатида қурбонлар йўқ. Ўсмир қўлга олинган, полиция воқеани қотилликка уриниш ва қурол билан оғирлаштирилган ҳужум сифатида тергов қилмоқда.

"Эрталаб Исроилнинг Каллебекдаги объектида отишма бўлгани ҳақида сигнал олдик. Бир нечта патруль ва вертолётлар билан жўнаб кетдик. Қидирув ҳали ҳам давом этмоқда", - дейди полиция матбуот котиби Фредрик Сведемир.

Ўтган ёзда ҳам компанияга кираверишда портловчи қурилма ўрнатилган эди. Ўшанда портлашдан ҳимоя қилиш миллий хизмати объектни зарарсизлантиришга муваффақ бўлганди.

"Ҳозир компанияга қарши кампания давом этмоқда. Бу Исроил олиб бораётган урушга қарши чиқишнинг ўзига хос норозилик ифодасининг бир қисмидир. Бугунги воқеа шундай вазиятнинг натижасими ёки шундайми, биз билмаймиз. Аслида Исроил компанияларига қарши қаратилган тадбирларни Эрон қўзғатмоқда”, - дея таъкидлайди SVT.

Таъкидланишича, Швеция ва қўшни мамлакатларда вояга етмаганлар билан боғлиқ жиноятлар кўпайиб бормоқда. Сўнгги пайтларда улар томонидан бир неча бор портлашлар ва отишмалар содир этилган.