Совет террори: афғон аёллари зўравонлик қурбони бўлганми?

СССРнинг Афғонистондаги ҳарбий кампанияси даврида (1979–1989) совет ҳарбийлари ва афғон ХАД (Давлат хавфсизлик хизмати) кучлари томонидан тизимли равишда муслималарнинг ўғирланиши, зўрлаш ва шафқатсиз муомала қилиш ҳолатлари кузатилган.

Совет аскарлари ва ХАД агентлари Кабул, Лагмон, Дарул-Амaн ва бошқа минтақаларда аёлларни ушлаб кетиб, уларни зўрлаш ва маҳаллий аҳолини қўрқитиш билан шуғулланган.

Amnesty International’нинг 1999 йилдаги ҳисоботида қуйидаги изоҳларни ўқишимиз мумкин:

"Аёлларни кўп ҳолларда ўғирлашарди, зўрлашарди, фоҳишаликка мажбурлашарди... Бу “уруш ғанимати” сифатида кўриларди".

Зўравонлик – шубҳасиз террор қуроли

Human Rights Watch ва БМТ маълумотларига кўра, бу зўравонликлар тасодифий эмас эди. У ўз ватанини ҳимоя қилаётган мусулмонларга ёрдам беришда гумонланган жамоаларни қўрқитиш воситаси бўлган.

Шармандаликдан қўрққан аёллар зўрланиш ҳолатларини билдиришмаган. Натижада ўн минглаб қурбонларга нисбатан адолат қарор топмади – бирорта иш тергов қилинмади, судга етказилмади.

Ҳуқуқий баҳо

Бу ҳаракатлар қуйидагиларга формал жиҳатдан тўғри келади:

Уруш жиноятлари – чунки тинч аҳолига қарши содир этилган;

Инсониятга қарши жиноятлар – зўрлашлар тизимли ва мақсадли амалга оширилган.

СССР бу жиноятлар учун расман жавобгарликни тан олмаган.