Шаҳбоз Шариф Покистоннинг янги бош вазири этиб сайланди
Покистон мусулмон лигаси (PML-N) раиси Шаҳбоз Шариф мамлакатнинг янги бош вазири этиб сайланди.
Шариф ҳукумат
раҳбарлиги учун сайловда PML-N ва Покистон Халқ партияси (PPP) альянсининг
қўшма номзоди сифатида қатнашди.
Миллий ассамблеянинг (парламент қуйи палатаси) янги
чақирувидаги 336 депутатдан 201 нафари сиёсатчи учун овоз берди.
Унинг бош вазирлик учун курашдаги рақиби, “Адолат учун
ҳаракат” партияси бош котиби Умар Аюб Хон 92 та овоз олди.
Шариф 4 март куни қасамёд қилади.
Шаҳбоз Шариф 2022 йилнинг апрелидан 2023 йилнинг августигача Покистон ҳукуматини бошқарган. Ундан олдинги, ўша пайтдаги “Адолат ҳаракати” партиясининг раиси Имрон Хон ишончсизлик вотуми натижасида лавозимидан четлаштирилган, кейинроқ узоқ муддатга қамалган эди.
Мавзуга алоқадор
-
Покистон суди сешанба куни собиқ бош вазир Имрон Хонни давлат сирларини ошкор қилганликда айблаб, 10 йиллик қамоқ жазосига ҳукм қилди. Собиқ бош вазирга қарши яна юзга яқин суд ишлари давом этмоқда. Унга қўйилган айбловлар орасида коррупция, терроризм ва ҳатто куфрни ҳам ўз ичига олади. Хон билан бирга собиқ ташқи ишлар вазири Шоҳ Маҳмуд Қурайший ҳам 10 йилга қамалган.
-
Покистондаги миллий сайловларда қамоқдаги собиқ бош вазир Имрон Хоннинг Покистон Адолат учун Ҳаракати 98 та ўрин билан етакчилик қилмоқда. 8 февралда бўлиб ўтган умуммиллий сайловлар натижаларини ҳисоблаш давом этмоқда.
