13.01.2025 15:42
722
Париж масжиди имоми Франция учун дуога чақирди
10 январь куни Париж катта масжиди имоми Шамс-Эддин Ҳофиз мамлакатдаги 150 имомга мурожаат қилди. У жума хутбаларининг охирида Франциянинг тинчлиги ва хавфсизлиги учун дуолар киритишни сўради. Ҳофиз дуоларни араб ва француз тилларида ўқишни таклиф қилди.
Мактубда у мусулмонлар жамиятининг Франциядаги диний онгни жамият шароитларига мослаштириш дастурига урғу берди. Шунингдек, бошқа динлар кўп йиллардан бери Франция учун ибодатларни ўтказиб келаётганини таъкидлади.
Ислом Францияда дунёвийлик тамойиллари доирасидаги иккинчи йирик дин саналади. Ҳукумат хориждан имомлар таклиф қилиш амалиётини тўхтатишни режалаштирмоқда.