10.12.2024 10:55
Мухолифат кучлари Манбиж шаҳрини ПККдан озод қилди
Сурияда мухолифат кучлари 9 декабрь куни Курдистон ишчи партияси (ПКК) назоратида бўлган Манбиж шаҳрини тўлиқ қўлга киритди. Бу ҳақда Reuters агентлиги Анқарадаги манбасига асосланиб хабар берди.
Сурияда инсон ҳуқуқларига риоя этилишини мониторинг қилиш маркази (SOHR) маълумотларига кўра, Суриянинг Ҳалаб шаҳридан шимоли-шарқда жойлашган шаҳар учун жанг чоғида 26 киши ҳалок бўлган, 40 киши яраланган.
Шунингдек, ижтимоий тармоқларда ПКК назорати остида бўлган лагерларда очликдан вафот этган болаларнинг жасадлари акс этган видеолар тарқалди.
Асад режимини ағдарган гуруҳлар билан ҳамкорликда ҳаракат қилган маҳаллий ҳарбийлаштирилган кучлар Дайр аз-Зор вилояти маркази, Тал-Рифат, Букамал ва Майядин ҳудудларидан ҳам ПККни сиқиб чиқарди.
Ўз навбатида, Исроил Манбиж ПКК жангариларидан тозаланганини қоралаб, халқаро ҳамжамият "минтақада барқарорликни таъминлашда муҳим ролга эга" ПККни қўллаб-қувватлаши кераклигини маълум қилди.
Исроил ТИВ раҳбари Гидеон Саар ижтимоий тармоқдаги саҳифасида Манбиждаги амалиёт АҚШ билан муҳокама қилингани билдириб, уни тезроқ якунлашга чақирди.