06.12.2024 11:34
1178
Муҳаммад Британияда ўғил болаларга энг кўп қўйилган исмга айланди
2023 йилда Англия ва Уэлсда ўғил фарзандларига исм қўйиш ота-оналар учун энг яхши танлов Муҳаммад бўлди ва 4600 дан ортиқ бола бу ном билан рўйхатга олинди, дея хабар бермоқда BBC.
Миллий статистика бошқармаси (ONS) маълумотларига кўра, бу 2016 йилдан бери ўғил болалар учун энг яхши 10 исм қаторига кирди, аммо ҳозирда аввалги севимли Нуҳ (Noah)ни ортда қолдирди.
Бироқ, қайд этилишича, минтақавий тафовутлар даражаси бор. Муҳаммад исми Англиянинг учта минтақаси бўйича энг яхши 10 таликка кирмаган.
Муҳаммад исмининг бошқа имловий шакллари — Моҳаммед ва Моҳаммад ҳам Англия ва Уэлс бўйича энг машҳур 100 та исм рўйхатидан жой олган. Муҳаммад исмининг турли хил вариантлари олдинги йилларда ҳам машҳур бўлган.
Фото: Англия ва Уэлсда 2023 йилда ўғил ва қиз болаларга энг кўп қўйилган исмлар
Оливиа қизлар учун энг машҳур танлов бўлиб қолмоқда, ундан кейинги ўринларда Амелиа ва Исла турибди. Ушбу кучли учлик 2022 йилдан бери ўзгаришсиз қолмоқда. 2023 йили қизлар орасида чизиқча билан ёзилган исмлар ҳам машҳурликка эришган. Бундай исмлар сони 12 330 тадан 19 140 тага ошган.
Қизлар учун энг машҳур 100 та исм рўйхатига Лилаҳ, Рая ва Ҳазел каби янги исмлар кирган. Ўғил болалар учун эса Жах, Энзо ва Бодҳи бўлди.
Англияда поп-маданият ҳам исм танлашга таъсир этмоқда. Бунга Билли Айлиш ва Лана Дел Рей каби қўшиқчилар, Марго Робби ва Киллиан Mёрфи сингари кино юлдузлари исмлари мисол бўла олади.
Жорж, Арчи, Ҳарри, Шарлотта, Елизабет ва Чарлз каби исмлар эса сўнгги йилларда камроқ машҳур бўлишди.