Кобул ва Дамашқ муносабатларни ривожлантиришга келишиб олди

Афғонистон ташқи ишлар вазири Амир Хон Муттақий ва Сурия муваққат ҳукумати ташқи ишлар вазири Асад Ҳасан аш-Шайбоний ўртасидаги телефон мулоқотида икки давлат ўртасидаги ҳамкорликни кучайтириш ҳамда делегациялар алмашинувини йўлга қўйиш масалалари муҳокама қилинди.

Муттақий суриялик ҳамкасбини “сўнгги ютуқлари” билан табриклаб, Дамашқ билан дипломатик алоқаларни кучайтиришга тайёрлигини билдирган. Аш-Шайбоний эса олий даражадаги ташрифлар орқали ҳамкорликни мустаҳкамлаш тарафдори эканини таъкидлади.