Ҳизбуллоҳ Исроилдаги ҳарбий базага дрон билан ҳужум қилди: энг камида 4 аскар ўлди
Ҳизбуллоҳ Исроилнинг Ҳайфа жанубидаги ҳарбий базага учувчисиз учоқ орқали ҳужум уюштириши натижасида энг камида 4 та ҳарбий ўлди, яраланганлар сони 67 тага етди, улардан 4 тасининг аҳволи оғир.
Ҳизбуллоҳ
ўз баёнотида, Ғазодаги Фаластин қаршиликлари билан бирдамликда, Ливан ва унинг
халқини ҳимоя қилишда ҳамда Байрутнинг Баста ва Нувейри ҳудудларига қилинган
ҳужумларга жавобан, "Исроил армиясининг Глолани бригадасининг Ҳайфа
жанубидаги Бинямин ҳудудида жойлашган машғулот базасига учувчисиз ҳаво воситаси
орқали ҳужум қилинди”.
Ҳизбуллоҳ
ўз мамлакати ва халқини ҳимоя қилиш бўйича мажбуриятларини бажаришга тайёрлиги
ва “душманни жиловлаш вазифасидан чекинмаслиги”ни билдирди.
Исроил армияси матбуот котибининг маълум қилишича, 4 та аскар ўлгани, 7 таси жароҳатланган. Ўлганлар ва яраланганларнинг оилаларига хабар қилингани айтилди. Исроил матбуоти ҳужум ҳақида хабар берар экан, “уруш бошланганидан буён энг оғир ҳодисалардан бири” бўлганини қайд этиб ўтди. Шунингдек, мазкур ҳодиса чоғида ошхонада 200 дан ортиқ ҳарбий бўлгани ҳамда бу пайтда ҳаво ҳужумида мудофаа ва огоҳлантириш тизимлари ишламаганини қайд этилди.
Ҳизбуллоҳ
ўтган тунда Исроилнинг бошқа ҳудудларига ҳам дрон ва ракеталар ёрдамида 37 та
операцияни амалга оширди. Исроил манбалари камида 110 та ҳарбий яраланганини
маълум қилди.
Мавзуга алоқадор
-
Ғазодаги уруш бошланганидан буён сўнгги воқеалар фонида кўтарилган энг муҳим саволлардан бири қуйидагича: АҚШ президенти Жо Байден маъмурияти нега Ғазода ўт очиш тўхтатилишини истамайди? Azon Global сиёсий шарҳловчи, профессор Амира Абул Фаттоҳнинг бу борадаги фикрларини ўзбек тилига таржима қилди.
-
Европа Иттифоқи Киев кутаётган Россия активларидан олинган 5 млрд евролик даромадни сақлаб қолишга қарор қилди. Ушбу маблағлар “юридик харажатларни қоплаш учун” ушлаб қолинадиган бўлди.
