24.12.2024 10:44
698
Исроил жосуслари «Ҳизбуллоҳ»га қарши ҳужум тафсилотларини очиқлади
Исроил разведкаси агентлари Ливанда пейжерларнинг портлатилиши ҳақидаги янги тафсилотларни очиқлади. CBS телеканали томонидан эфирга узатилган «60 дақиқа» дастурида иштирок этган собиқ агентлар ушбу терактнинг қандай ташкил этилганини тушунтиришган.
Режанинг бошланиши
Собиқ агентлардан бири, ўзини «Майкл» деб таништирган шахс, мазкур операция учун тайёргарлик ўн йил аввал бошланганини айтган. Ўшанда «Ҳизбуллоҳ» аъзолари Исроил томонидан махсус ўзгартирилган радиоларни сотиб олишганини билмасди. Кейинчалик, 2022 йилда Ҳизбуллоҳнинг Тайвань компаниясидан пейжерлар сотиб олаётгани аниқланган.
Моссад агентлари пейжерларга портловчи моддаларни яширин жойлаштириш учун уларни бироз катталаштирган.
Ҳужумнинг иккинчи босқичи
Моссад агентлари «Ҳизбуллоҳ»ни оғирроқ пейжерларга ўтишга кўндириш учун ёлғон рекламалар ва қўшимча усуллардан фойдаланган. Шунингдек, пейжерларни ишончлироқ қилиб кўрсатиш мақсадида сув ўтказмайдиган қурилмалар сифатида ёлғон маълумот тарқатилган.
2022 йил сентябрига келиб, «Ҳизбуллоҳ» аъзоларида 5000 га яқин пейжер мавжуд эди. Ҳужум 17 сентябрь куни ушбу пейжерларнинг сигнал бериши билан бошланган. Портлашлар ортидан Исроил ҳаво зарбалари амалга ошириб, кўплаб ҳудудларни нишонга олди.
Операциянинг мақсади
Агент «Габриэл»нинг таъкидлашича, мазкур операциянинг мақсади фақат «Ҳизбуллоҳ» аъзоларини йўқ қилиш эмас, балки уларга кучли огоҳлантириш юбориш бўлган. Аммо ҳаво зарбалари оқибатида минглаб одамлар ҳалок бўлди, жумладан, шиа ҳаракати етакчиси Ҳасан Насруллоҳ ҳам.
Операциядан кейин Ливанда аҳоли орасида қаттиқ қўрқув ҳукм сура бошлади. «Майкл»га кўра, пейжерлар портлатилганидан кейин кўпчилик ҳатто кондиционерларини ҳам ишга туширишдан хавотирланган.
Эслатиб ўтамиз, операция натижасида Исроил ва «Ҳизбуллоҳ» ўртасидаги зиддият кучайди, бироқ ноябрь ойида уруш сулҳ билан якунланди.
Режанинг бошланиши
Собиқ агентлардан бири, ўзини «Майкл» деб таништирган шахс, мазкур операция учун тайёргарлик ўн йил аввал бошланганини айтган. Ўшанда «Ҳизбуллоҳ» аъзолари Исроил томонидан махсус ўзгартирилган радиоларни сотиб олишганини билмасди. Кейинчалик, 2022 йилда Ҳизбуллоҳнинг Тайвань компаниясидан пейжерлар сотиб олаётгани аниқланган.
Моссад агентлари пейжерларга портловчи моддаларни яширин жойлаштириш учун уларни бироз катталаштирган.
Ҳужумнинг иккинчи босқичи
Моссад агентлари «Ҳизбуллоҳ»ни оғирроқ пейжерларга ўтишга кўндириш учун ёлғон рекламалар ва қўшимча усуллардан фойдаланган. Шунингдек, пейжерларни ишончлироқ қилиб кўрсатиш мақсадида сув ўтказмайдиган қурилмалар сифатида ёлғон маълумот тарқатилган.
2022 йил сентябрига келиб, «Ҳизбуллоҳ» аъзоларида 5000 га яқин пейжер мавжуд эди. Ҳужум 17 сентябрь куни ушбу пейжерларнинг сигнал бериши билан бошланган. Портлашлар ортидан Исроил ҳаво зарбалари амалга ошириб, кўплаб ҳудудларни нишонга олди.
Операциянинг мақсади
Агент «Габриэл»нинг таъкидлашича, мазкур операциянинг мақсади фақат «Ҳизбуллоҳ» аъзоларини йўқ қилиш эмас, балки уларга кучли огоҳлантириш юбориш бўлган. Аммо ҳаво зарбалари оқибатида минглаб одамлар ҳалок бўлди, жумладан, шиа ҳаракати етакчиси Ҳасан Насруллоҳ ҳам.
Операциядан кейин Ливанда аҳоли орасида қаттиқ қўрқув ҳукм сура бошлади. «Майкл»га кўра, пейжерлар портлатилганидан кейин кўпчилик ҳатто кондиционерларини ҳам ишга туширишдан хавотирланган.
Эслатиб ўтамиз, операция натижасида Исроил ва «Ҳизбуллоҳ» ўртасидаги зиддият кучайди, бироқ ноябрь ойида уруш сулҳ билан якунланди.