ИШИД етакчисининг рафиқаси ўлим жазосига ҳукм қилинди
Бугун, чоршанба куни Ироқнинг Карх вилояти жиноий суди ИШИДнинг ўлдирилган раҳбари Абу Бакр ал-Бағдодийнинг рафиқасига ўлим ҳукмини чиқарди.
Ироқ Олий суди Кархдаги жиноий суд ал-Бағдодийнинг биринчи рафиқаси Асмо Муҳаммадни ташкилот фаолиятига алоқадорлиги ва язидий аёлларни уйида сақлаганликда айбдор деб топганини маълум қилди.
Кенгаш ахборот маркази бугунги баёнотида “террорчи аёл” язидий аёлларни ИШИД тўдалари Ғарбий Ниневия вилоятининг Синжар ҳудудидан ўғирлаб кетганидан кейин ўз уйида ушлаб турган.
Жазо 2005 йилдаги 13-сонли Терроризмга қарши кураш ҳамда 2021 йилдаги 8-сонли Язидий аёлларини ҳимоя қилиш тўғрисидаги қонунларига мувофиқ тайинланган.
Бундан ташқари, "Ал-Арабия/Ал-Ҳадаҳ" манбалари ал-Бағдодийнинг учинчи рафиқаси Нур аз-Зубайга умрбод қамоқ жазоси тайинлангани ҳақида хабар беришди. Шунингдек, манбалар ал-Бағдодийнинг қизи Умаймага ҳам умрбод қамоқ жазоси берилганини эслатиб ўтган.
2024 йил 16 февралда Ироқ Миллий разведкаси Абу Бакр ал-Бағдодийнинг рафиқаси ҳамда қизининг шахси ва қаердалиги аниқланганидан сўнг қўшни давлатда ҳибсга олинганини эълон қилди.
Аввалроқ Ироқ парламенти депутати Вян Дахил ал-Бағдодийнинг рафиқаси Асмо Муҳаммад ҳам эри каби язидий аёлларни ўғирлашда иштирок этганини тасдиқлаганди. Матбуот анжуманида у ал-Бағдодийнинг рафиқаси одам савдоси ва язидий қизларга нисбатан жинсий зўравонлик билан боғлиқ даҳшатли ҳаракатлар содир этганини айтди. Шунингдек, ал-Бағдодийнинг рафиқаси ёш қизларни жинсий зўравонлик учун саралаб, эрига ўтказаётгани, кейин эса уларни ташкилот жангариларига сотганини таъкидлади.
Кўплаб овозлар федерал ҳукуматни Абу Бакр ал-Бағдодийнинг рафиқасига ташкилот жиноятларида иштирок этгани учун олий жазони қўллашга чақирди, айбланувчи эса "Ал Арабия" тармоғига берган интервюсида ҳар қандай қонунбузарликни рад этди. Язидий қизлар эса унинг сўзлари нотўғри эканини иддао қилди.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 262 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Исроил ҳарбийлари жанговар ит Даун синдроми ва аутизмга чалинган 24 ёшли фаластинлик Муҳаммад Бҳарни тилка-пора қилиб ўлдиришига қўйиб беришди. Шунингдек, улар Муҳаммадга ёрдам беришларига ҳам тўсқинлик қилишган. BBC ҳолат ҳақида дастлаб “Ғазолик Даун синдромли эркакнинг ёлғизликдаги ўлими” сарлавҳаси остида хабар берди, ўқувчиларнинг танқидидан сўнг эса “Ғазолик Даун синдромига чалинган эркакка Исроил армияси ити ҳужум қилди ва ўлимга ташланди, дейди онаси” деб ўзгартирилди.
