Ҳиндистон суди масжидларда ҳиндуизм шиорларини айтишга рухсат берди
Ҳиндистоннинг Карнатака штати суди масжид ичида ҳиндуизм динининг “Жай Шри Рам” шиорини ҳайқириб айтган икки радикал ҳиндуга нисбатан очилган жиноят ишини бекор қилди, деб ёзади Islam News NDTV телеканалига таяниб.
Айбланувчининг апелляция аризасини кўриб чиққан судя М.Нагапрасана раислигидаги судялар ҳайъати ўз қарорида “Жай Шри Рам” (бутпарастларнинг илоҳини улуғлаш) ибораси ҳатто масжидда айтилган тақдирда ҳам, ҳеч кимнинг диний туйғуларига зарар етказилганини кўрмаганлигини таъкидланади.
Айбланувчилар Ҳиндистон Жиноят кодексининг ноқонуний бостириб кириш, таҳдид ва диний туйғуларни ҳақорат қилиш билан боғлиқ моддалари бўйича айбланган эди. Полиция маҳкама жараёнида айбланувчилар кечқурун масжидга бостириб киришганини, ўзларини жанговар тутганлари ва ҳинд диний шиорин қичқириб айтганларини тасдиқлаган.
Бироқ Карнатака суди ўз ҳукмида бундай хатти-ҳаракат амалдаги қонунчиликка зид эмаслигини ва масжидга ибодат қилиш учун келган диндорларнинг ҳис-туйғуларини ранжитмаслигини "аниқлади".
Мавзуга алоқадор
-
Франциядаги парламент сайловларида сўл партияларнинг "Янги халқ фронти" коалицияси етакчиси Жан-Люк Меланшон ўзининг илк қадамлари сифатида Фаластин давлатини тан олиш ниятини маълум қилди. "Франция Фаластин давлатини ҳозир тан олиши керак. Кучлар мувозанати бутун дунё ушбу геноцидни қоралаётганини кўрсатиши лозим", деди у.
-
Швеция прокуратураси чоршанба куни 2023 йилда бир неча бор муқаддас Қуръони карим китобини ёқиб, мусулмон давлатларда кўплаб норозилик намойишлари ва давлатлараро зиддиятларга сабаб бўлган ироқлик икки муртадга нисбатан “миллатлараро адоват қўзғатиш” моддаси бўйича айблов эълон қилди.
