09.01.2025 06:36
512
Фаластиннинг анъанавий совуни ЮНЕСКО рўйхатига киритилди
Фаластиннинг Наблус шаҳрида анъанавий рецепт асосида қўлда тайёрланадиган зайтун мойи совуни ЮНЕСКОнинг "Инсониятнинг номоддий маданий мероси" рўйхатига киритилди. Бу ҳунармандчилик анъанаси милодий 8-асрга бориб тақалади ва асрлар давомида ўз табиийлиги ва экологик тозалиги билан сақланиб келинган.
ЮНЕСКОга кўра, Наблус совуни зайтун мойи, сув ва люк каби фақат учта табиий ингредиентдан тайёрланади. Совун ишлаб чиқаришнинг ушбу анъанавий услуби нафақат иқтисодий аҳамиятга эга, балки Фаластин маданий меросининг муҳим қисми сифатида ҳам қадрланади.
"Бу қарор Фаластин халқининг бой маданий меросини бутун дунёга танитишга ёрдам беради. Исроилнинг миллий ўзига хосликни йўқ қилишга қаратилган ҳаракатлари фонида маданий меросни ҳимоя қилиш ҳар қачонгидан ҳам муҳимдир", дейилади Фаластин ташқи ишлар вазирлиги баёнотида.
Вазирлик таъкидлашича, ЮНЕСКОнинг баҳоси Фаластиннинг тарихий ҳақиқатини ҳимоя қилишга хизмат қилади ва маданий ўзига хосликни асраш борасида жаҳон ҳамжамиятининг эътиборини қаратади.
Наблус совуни дунё бўйлаб ўзининг юқори сифати, терига нисбатан юмшоқлиги ва табиий таркиби билан танилган.