Эрон ислом дунёсини Ҳаниянинг ўлдирилишига жавобида ўзини қўллаб-қувватлашга чақирди
Эрон Фаластиннинг ҲАМАС ҳаракати Сиёсий бюроси раҳбари Исмоил Ҳаниянинг ўлдирилгани учун Исроилга жавоб қайтаришда ислом давлатларидан ёрдам кутмоқда. Бу ҳақда Эрон ташқи ишлар вазири вазифасини бажарувчи Али Багҳери Кани Ислом ҳамкорлик ташкилоти (ИҲТ) бош котиби Ҳиссайн Браҳим Таҳа билан учрашувда айтиб ўтди.
Канининг айтишича, Эрон бошқа исломий давлатлар Теҳроннинг Ҳанияга уюштирилган суиқасд учун қасос олишга бўлган "қонуний ҳуқуқи"ни қўллаб-қувватлашини кутмоқда.
“Ислом мамлакатларидан Эроннинг бу тажовузга қонуний ва зарурий жавоб бериш бўйича ажралмас ва қонуний ҳуқуқини қўллаб-қувватлаши кутилмоқда, чунки Эроннинг ҳаракатлари нафақат ўз суверенитети ва миллий хавфсизлигини ҳимоя қилиш, балки бутун минтақада барқарорлик ва хавфсизликни таъминлашга қаратилган”, - деди у.
Исмоил Ҳания Эронга ташрифи чоғида 31 июль куни бошқариладиган бомбанинг фаластинлик сиёсатчи истиқомат қилаётган қароргоҳга тушиши оқибатида ҳалок бўлганди. У мамлакатга янги президент инаугурациясида иштирок этиш учун келганди.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 283 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Британия парламентининг 180 нафар аъзоси исроиллик лоббичи гуруҳлар томонидан молиялаштирилади. Жумладан, Лейбористлар партияси етакчиси Кей Стармер 2020 йилда бўлажак умумий сайловларда иштирок этувчи бошқа бир қанча нуфузли мухолифат номзодлар билан бир қаторда 64 минг доллар олгани маълум бўлди.
