Эрон ҳарбий бюджетини 200 фоизги оширишни режалаштирмоқда
Эрон ва Исроил ўртасидаги вазият кескинлашгани ортидан Теҳрон ҳарбий бюджетини тубдан оширишни режалаштирмоқда. Сешанба куни Эрон ҳукумати матбуот котиби Фотиме Моҳажераний мамлакат раҳбарияти ҳарбий бюджетини тахминан 200 фоизга оширишни режалаштираётганини маълум қилди.
"Мамлакатнинг
мудофаа бюджети сезиларли даражада – 200 фоизга оширилди", – деди
Мохажерани тафсилотларга тўхталмасдан.
Эрон ва
Исроил бир неча ойдан бери ракета зарбаларини алмашишмоқда. Жумладан, ўтган шанба
куни Исроил 1 октябрда ракета ҳужуми учун жавоб тариқасида Эронга зарба берди.
Теҳрон
душанба куни Исроилнинг ҳарбий нишонларга қаратилган ҳужумларига жавобан
"барча имкониятларни ишга солишини" айтди.
Эрон ҳозирда
Яқин Шарқдаги энг йирик қуролли кучлардан бирига эга бўлиб, 350 мингга яқин ҳарбий
хизматчиси, жумладан, 220 мингдан зиёд захирадаги аскарлари мавжуд.
“Википедиа”
маълумотларига кўра, 2024 йилда Эрон Қуролли Кучлари харажатлари 13,879 млрд
долларни ёки ЯИМнинг 2,5 фоизини (2022 йил) ташкил этган.
Мавзуга алоқадор
-
ҲАМАСнинг Ғазо шимоли ва марказидаги ҳарбий батальонлари ўн ойлик Исроил ҳужумларига қарамасдан, жанговар салоҳиятининг бир қисмини тиклади. Тегишли маълумотлар Урушни ўрганиш институти, Америка тадбиркорлик институтининг “Критик таҳдидлар” лойиҳаси ва CNN қўшма ҳисоботида келтирилган.
-
Исроил томонидан Ғазо секторида қатлиом бошланганига 146 кун бўлди. Ўтган куннинг асосий воқеалари дайжести.
