09.12.2024 17:15
598
Британия "Ҳайъат таҳрир аш-Шом" бўйича муносабатини қайта кўриб чиқмоқда
Британия гуруҳ Сурия президенти Башарни ағдаришига олиб келган мухолифатга раҳбарлик қилганидан сўнг "Ҳайъат таҳрир аш-Шом" (ҲТШ)нинг тақиқланган ташкилот мақомини қайта кўриб чиқиши мумкин. Бу ҳақда Буюк Британия ҳукуматлараро ишлар вазири Пат Макфадден маълум қилди.
“Биз бу масалани кўриб чиқамиз. Ўйлайманки, қарор гуруҳнинг ҳозир ўзини қандай тутишига боғлиқ бўлади”, деди МакФадден Sky News телеканалига берган интервьюсида, ҲТШ ҳолатини қайта кўриб чиқиш эҳтимоли ҳақидаги саволга жавоб берар экан.
"Ўйлайманки, вазиятнинг ўзгаришини ҳисобга олган ҳолда нисбатан тез қарор қабул қилиш керак", - дея қўшимча қилди у BBC радиосига берган интервьюсида.
Халқаро ҳукуматлар, жумладан Британия Асад режимининг қулашини олқишлаб, буни Яқин Шарқ учун ўн йилликлардаги энг катта бурилиш нуқталаридан бири деб атади.
"Сурия халқи Асад режими остида жуда узоқ вақт азоб чекди ва биз унинг кетишини олқишлаймиз", деди бош вазир Британия ҳукумати веб-сайтида эълон қилинган баёнотда.
Маълумот учун, ҲТШ Буюк Британияда террорчи ташкилот ҳисобланади. Бу унинг фаолиятида ҳар қандай ёрдам ёки иштирокни ноқонуний деб тан олинишига сабаб бўлади.