16.11.2024 14:25
124
Бомбаланаётган Ғазо: 407-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 407 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Байт Лаҳия, Шужайя ҳудуди, Жабалия ва Нусейрат лагерларига ҳужум қилди. Исроил қўшини томонидан Ғазо секторининг турли жойларида охирги 24 соат ичида уюштирилган 3 қирғинда 35 кишининг ҳаётдан кўз юмгани, 111 кишининг тан жароҳати олгани билдирилди.
▪️2023 йил 7 октябрдан буён Исроилнинг Ғазо секторига уюштирган ҳужумларида ҳалок бўлганлар сони 43 минг 799 нафарга, ярадорлар сони эса 103 минг 601 нафарга кўтарилган.
▪️Ал-Қассам бригадалари Нитцарим ўқи ва Байт-Лахияда 4 босқинчини йўқ қилди.
▪️Ғарбий Соҳилда ишғолчилар Наблус, Тулкарм ва Женинга бостириб кириди. Женин шаҳрида қаршилик жангарилари исроиллик аскарларга қарата граната ва пулемётлардан ўқ узди.
▪️"Ҳизбуллоҳ" Рамим базаси штаб-квартираси ва казармаларига зарба берди, Талуса шаҳридаги аскарлар гуруҳига 7 ракета учирди. Сафад, Ҳайфа ва Тел-Авивда сиреналар янгради.
▪️Ироқ қаршилик кучлари Эйлатга уч марта зарба берди.
▪️Босқинчилар Ливан шаҳар ва қишлоқларига ҳужумларини кучайтирди. Охирги 24 соат ичида 59 киши ҳалок бўлди, 182 киши яраланди. Исроил тажовузи бошланганидан буён 3445 киши ҳалок бўлди.
▪️Халқаро журналистлар федерацияси: Вашингтон Ғазо журналистларини таъқиб қилишни тўхтатиш учун ҳеч қандай ҳаракат қилмади.
▪️Европа Иттифоқи ташқи ишлар вазирлари Исроил билан сиёсий мулоқотни тўхтатиш ҳамда Ғазо ва Ливанга қилинган ҳужумлар туфайли савдо чекловларини жорий этишни муҳокама қилади.
▪️БМТ: Ғазога ёрдам етказиш ҳар қачонгидан ҳам қийинлашди. Анклавнинг шимолий қисми дунёдан бутунлай узилган. Азоб, умидсизлик ва ўлим Фаластин ҳудудини қамраб олди.