Бомбаланаётган Ғазо: 403-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 403 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
◾️Босқинчилар Хон Юнис, Байт Лаҳия, Ал-Маваси, Нусейрат лагери ва Жабалияга ҳужум қилди. Бир кун ичида 39 киши ҳалок бўлди. Уруш бошланганидан буён 43 603 киши шаҳид бўлди
▪️Ғазо шимоли-шарқидаги Байт Ханун шаҳрида ишғолчилар 130 киши кўчирилган мактабни қамал қилишди.
◾️Босқинчилар Хон-Юнисдаги кафега ҳужум қилишди. 10 киши, жумладан 2 бола ҳалок бўлди.
▪️Ал-Қассам бригадалари Нитцарим ўқида ишғолчи кучларнинг штаб-квартирасига ҳужум қилди. Ғазо шимолидаги Бейт Лаҳиа шаҳрида 4 нафар босқинчи йўқ қилинди. Бир кун ичида 11 дан ортиқ босқинчи яраланди.
▪️Ғарбий Соҳилда назорат-ўтказиш пунктида машина уриб кетди, икки аскар яраланди. Босқинчини қўлга олишнинг иложи бўлмади. Байтлаҳмда кўчманчилар фаластинликни пичоқлаб кетишди. Босқинчилар Женин ва Қалқиляга бостириб киришади.
▪️Ливанда босқинчилар мамлакат шимолидаги Ал-Аккарияда кўчирилган тинч аҳоли истиқомат қилаётган бинога ҳужум қилди. 30 дан ортиқ киши ҳалок бўлди.
▪️"Ҳизбуллоҳ" Исроилга қарши 22 та ҳарбий амалиёт ўтказди. Кармиел ва Зоволундаги ҳарбий базаларга ҳужум уюштирилди, Сафад, Ҳайфа ва Акрга ракета зарбаси берилди.
▪️Америка ва Британия ҳаво кучлари Яманнинг Ҳудайда шаҳрига 4 марта зарба берди.
▪️БМТ: Исроил Ғазо шимолига 85% гуманитар ёрдам карвонларини тўсиб қўйди.
▪️Пентагон: Охирги 24 соат ичида биз Суриядаги Эрон гуруҳлари билан боғлиқ 9 та нишонга зарба бердик.
Мавзуга алоқадор
-
Ғазода ўт очишни тўхтатиш бўйича БМТ Хавфсизлик Кенгаши резолюциясига овоз бериш иккинчи марта қолдирилди.
-
Фаластинликлар бугун – 15 май куни 1948 йилги Накбанинг 76 йиллигини нишонлашмоқда. Бу Фаластиннинг ватани – тарихий Фаластиннинг вайрон қилинганини ва 1948 йилда Фаластин аҳолисининг оммавий этник тозаланишини англатади.
