Бомбаланаётган Ғазо: 394-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 394 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Байт Лаҳия ва Нусейрат ва Жабалия лагерларига ҳужум қилди. Кун давомида 28 киши ҳалок бўлди. Уруш бошланганидан буён 43314 киши шаҳид бўлди.
▪️Ғарбий Соҳилда ишғолчилар Ал-Халил, Қалқиля, Наблус, Байтлаҳм ва Рамаллоҳга ҳужум қилди. Ўнлаб фаластинликлар ҳибсга олинган, 2 нафари яраланган.
▪️ЖССТ: Исроил қўшинлари Ғазо шаҳридаги полиомиелитга қарши эмлаш марказига шовқинли граната ташлаб, тўрт болани жароҳатлади.
▪️ЮНИСEФ: Икки кун ичида Жабалияда 50 дан ортиқ бола ҳалок бўлди.
▪️Ғазодан Ал-Қудс бригадалари Сдерот, Мафласим ва минтақага энг яқин аҳоли пунктларига ракета учирди.
▪️"Ҳизбуллоҳ" Исроилга қарши 26 та операцияни амалга оширди. Тел-Авивдаги Глилот базаси, Акредаги Шарага базаси, Рамат Давиддаги база ва аэропорт, Ҳайфадаги Зоволун базалари ҳужумга учраган. Ҳула шаҳрида 2 та ҳарбий бульдозер портлатиб юборилди.
▪️Бу кеча босқинчилар Ливаннинг Жоя, Адлон, Ҳумайн ва Ал-Хиом шаҳарларига ҳаво ҳужумларини уюштирди. Умуман олганда, агрессия бошланганидан буён 2968 киши ҳалок бўлди, 13319 киши жароҳат олди.
▪️БМТ: 17 сентябрдан бери Исроилнинг Ливанга ҳужуми оқибатида 85 нафар шифокор хизмат вақтида ҳалок бўлди.
Мавзуга алоқадор
-
АҚШ Яқин Шарқдаги Америка қўшинларини Эроннинг эҳтимолий ҳужумларидан ҳимоя қилиш мақсадида минтақага қўшимча кучларни юбормоқда.
-
Исроил Ғазо секторида босқинчилик ва қирғинбарот урушини бошлаганига 256 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
