Бомбаланаётган Ғазо: 393-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 393 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар
Ғазо маркази, Нусейрат ва Жабалия лагерларига ҳужум қилди. Уруш
бошланганидан буён 43259 киши шаҳид бўлди.
▪️Нусейрат лагеридаги иккита турар-жой биносининг портлаши
натижасида 84 киши, жумладан, 50 нафар бола ҳалок бўлган. Ўнлаб одамлар
яраланган ва бедарак йўқолган. Лагерь охирги 24 соат давомида доимий ҳужум
остида.
▪️Ал-Қассам бригадалари: Жангчиларимиз Жабалия лагерида 12 нафар аскар бўлган уйни портлатиб юборишди.
▪️Босқинчилар Ливандаги 25 та аҳоли пунктига ҳужум қилди.
Кун давомида 52 киши ҳалок бўлди, 72 киши жароҳат олди. Қурбонларнинг аксарияти
Бекаа водийсида бўлган.
▪️ “Ҳизбуллоҳ” Тел-Авив, Хайфа, Кирят
Шмона, Сафад, Кфар Лади ва Кармиел аҳоли пунктларига ракеталарни учирди. Асосий
жанглар Хиам шаҳри ҳудудида бўлиб ўтди, у эрда қаршилик кўрсатувчилар кўп сонли
босқинчиларни йўқ қилишди.
▪️БМТ: Ғазо шимолидаги бутун аҳоли касаллик, очлик ва
зўравонликдан ўлиш хавфи остида. Исроил Халқаро Суднинг вақтинчалик буйруқлари
ва қарорларини бажариши керак.
▪️БМТ махсус маърузачиси Франческа Албанесе: Ғазодаги
фаластинликларнинг геноциди туфайли БМТ аъзолари Исроилнинг БМТдаги аъзолигини
тўхтатиши керак.
▪️Пентагон: Биз Яқин Шарққа тўхтатувчи қирувчи самолётлар, ёнилғи қуйиш самолётлари ва узоқ масофали бомбардимончи самолётларни юборамиз.