Бомбаланаётган Ғазо: 360-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 360 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Ғазо секторининг Дайр ал-Балаҳ, Байт-Лахия ва Хон Юнис шаҳарларига ҳужум қилди. Охирги 24 соат ичида уюштирилган ҳужумларда яна 20 нафар фаластинлик ҳаётдан кўз
юмгани, 108 киши жароҳат
олгани билдирилди.
▪️Исроил томонидан 7 октябрдан бери уюштирган ҳужумларда
қурбон бўлганлар сони 41 615 нафарга, ярадорлар сони эса 96 359 нафарга кўтарилди.
▪️Ғарбий Соҳилда босқинчилар Наблус, Қалқиля, Тулкарм,
Ал-Халил, Рамаллаҳ ва Қуддусга ҳужумлар уюштирмоқда. Ўнлаб фаластинликлар
ҳибсга олинган.
▪️Ливанни бомбардимон қилишнинг 15-куни ишғолчилар Байрут
марказидаги Бекаа, насронийлар маҳалласи ва Саидага йирик ҳужумлар уюштирди. Ливан Соғлиқни сақлаш вазирлигининг
маълум қилишича, Исроилнинг Ливанга қилган охирги ҳужумларида 109 киши ҳалок
бўлди, 364 киши яраланди.
▪️Ливан
расмийларига кўра, Ҳизбуллоҳ ишлатган алоқа қурилмалари портлатилган 17
сентябрдан бери жами 1174 киши, жумладан 104 бола ва 194 аёл ҳалок бўлди.
▪️Ҳизбуллоҳ ишғол остидаги Фаластиндаги босқинчиларнинг ҳарбий
нишонларига қарши 11
та операция ўтказди. Баллистик
ракеталар Сафад, Акка, Кфар Шуба, Зоволун базаси ва Ҳайфани нишонга олди.
▪️Ҳизбуллоҳ минтақага баллистик ракета учиргач, Ҳайфада бир
миллиондан ортиқ кўчманчилар бомба бошпаналарига яширинган.
▪️Ливан Соғлиқни сақлаш вазирлиги: Исроилнинг Ливанга қилган
охирги ҳужумларида 109 киши ҳалок бўлди, 364 киши яраланди.
▪️ҲАМАС: Ливандаги ҲАМАС ҳаракати етакчиси, шаҳид Фатоҳ
Шариф Абу ал-Амин ҳалок бўлганидан қайғурамиз.
▪️Яман
ҳусийлари АҚШ Қуролли Кучларига тегишли бўлган яна бир MQ-9 учувчисиз учоғини
уриб туширди. Бу 2023 йил 7 октябрдан буён 11-, сентябрь ойидаги тўртинчи уриб
туширилган АҚШ разведка дрони ҳисобланади.
Мавзуга алоқадор
-
Эрон Вазирлар Кенгаши Тожикистон билан визани бекор қилиш ҳақидаги мактубни имзолади. Ушбу мактубга кўра, Тожикистон фуқаролари мамлакатда 30 кун муддатгача визасиз қолишлари мумкин. Бунинг учун фақат ҳаво орқали, фақат Душанбедан Теҳронга учиш талаб қилинади. Виза тартибининг бекор қилиш санаси тез орада эълон қилинади.
-
Порт анклавга инсонпарварлик ёрдамини кўпайтириш ва Фаластин халқининг муҳим эҳтиёжларини қондириш учун вақтинчалик ечимдир, дейди АҚШ Марказий қўмондонлиги. Таъкидланишича, порт Ғазога етказиладиган ёрдам ҳажмини оширади. Кунига 150 юк машинасигача гуманитар ёрдам ва икки миллион овқат етказиб берилиши мумкин, бу эса ҳудуднинг 2,3 миллион аҳолисини озиқлантириш учун етади.
