Бомбаланаётган Ғазо: 313-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 313 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
◾️Босқинчилар Рафаҳ Байт Лаҳиа,
Нусейрат ва Магази лагерларига ҳужум қилди.
Уруш бошланганидан бери 39 932 киши ҳалок бўлган.
◾️Ғарбий Соҳилда ишғолчилар Тубас
ва Наблусга бостириб кирди. Қаршилик жангчилари жанг қилмоқда. Нацистлар
дронлардан ҳужум қилмоқда. Тубасда бир киши ҳалок бўлди, ўнлаб одамлар ҳибсга
олинди.
◾️Ҳизбуллоҳ Моунт Нериа ҳарбий
базаси, Кафр Шуба полигони ва ал-Аламга 30 та “Катюша” ракетасини учирди. Темир гумбаз ҳужумларга дош бера олмади.
◾️Ал-Қассам бригадалари Меркава
танкини портлатиб, Тал ал-Ҳава ҳудудида босқинчилар бўлган миналанган 3 та туннелни портлатиб юборди.
◾️Бу тунда қаршилик кучлари
Суриянинг Дайр-аз-Зор шаҳридаги АҚШнинг Коноко нефть ҳарбий базасига 4 марта
зарба берди.
◾️Ғазо Соғлиқни сақлаш вазирлиги:
Ғазода уруш бошланганидан бери янги
туғилган 115 чақалоқ босқинчилар
томонидан ўлдирилди.
◾️Жазоир талабига кўра, БМТ
Хавфсизлик Кенгаши фавқулодда йиғилиш ўтказиб, Ғазо секторидаги Ал-Табаин
мактабидаги қирғинни муҳокама қилди.
◾️Фаластин раҳбари Маҳмуд Аббос
Россияга ташриф буюриб, РФ президенти Владимир Путин билан учрашди. Владимир
Путин учрашув чоғида минтақада узоқ муддатли, ишончли, барқарор тинчликни
таъминлаш учун БМТнинг барча қарорларини амалга ошириш ва биринчи навбатда,
тўлақонли Фаластин давлатини яратиш зарурлигини таъкидлади. Айни пайтда Аббос Туркияда.
◾️АҚШ Давлат департаменти Исроилга
19 млрд долларлик F-15 самолётлари ва жиҳозларини, шунингдек, тахминан 774 млн
долларлик танк ўқ-дорилари ва 583 млн долларлик ҳарбий машиналарни сотишни
маъқуллади. Boeing компанияси F-15 қирувчиларини бир неча йил давомида ишлаб
чиқариб, етказиб беради. Танк ўқ-дорилари эса зудлик билан топширилади.
Мавзуга алоқадор
-
Сўнгги 2 йил ичида Афғонистонга ташриф буюрувчи сайёҳлар сони 10 баробар ошди. Жумладан, 2021 йилда ушбу мамлакатга 691 нафар хорижий сайёҳ ташриф буюрган бўлса, 2022 йилда бу кўрсаткич 2 минг кишидан ошди. Ўтган йили эса 7 мингга яқин хорижлик ташриф буюрди. Бироқ туризмни ривожлантириш ҳали ҳам бир қатор тўсиқларга дуч келмоқда. “Толибон” ушбу тўсиқларни бартараф этишга ваъда берди.
-
Индонезиянинг Бали оролида хорижлик сайёҳлар сони кўпайиши ортидан жиноятчилик авж олиб, меҳнат бозорида рақобат кучайгани маълум қилинди. Шу боис ҳукумат ушбу ҳудудда туризм ислоҳотини амалга ошириш, “гиёҳванд моддалар, жиноий гуруҳлар ва бошқа муаммоларни олиб келаётган” хорижликларни депортация қилишни режалаштирмоқда.
