Бомбаланаётган Ғазо: 262-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 262 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Ал-Мағози, Нусейрат ва Рафаҳ лагерларига ҳужум қилди. Кун давомида 47 киши ҳалок бўлди, 121 киши жароҳат олди.
▪️Ғарбий Соҳилда босқинчилар Тулкарм, Байтлаҳм, Рамаллаҳ ва Наблусга ҳужум қилмоқда. 40 фаластинлик ҳибсга олинди. Ҳибсга олинганлар орасида яраланган 12 ёшли Муҳаммад ал-Зақика ҳам бор. Бола уйига бостириб кириши натижасида яраланган.
▪️Ҳусийлар Trans World Navigator кемасига ҳужум қилиб, зарар етказди.
▪️Ғазо марказида тез ёрдам ва фавқулодда хизматлар департаменти директори Ҳани Ал-Жафравий фашистлар ҳужуми натижасида ҳалок бўлди.
▪️Axios: Нетаняху ҳарбий вазирлар маҳкамаси томонидан маъқулланган гаровга олиш бўйича келишув таклифини рад этди. Маҳбусларнинг оилалари Нетаняхунинг айирбошлаш битимидан чиққанини кескин қоралади.
▪️Камол Адван касалхонасида яна икки бола очликдан вафот этди. Ғазода рўйхатга олинган очликдан вафот этганларнинг умумий сони 31 нафарга етди. Ҳақиқий рақамлар анча юқори.
▪️Европа Иттифоқи: Ғазодаги инқироз кескин нуқтага етди ва гуманитар ёрдам кўрсатиш қарийб имконсиз бўлиб қолди.
▪️Save the Children: Тахминимизча, Исроил тажовузлари натижасида Ғазода тахминан 21 минг бола бедарак йўқолган.