АҚШда яманлик 7 ёшли қиз пичоқланди
Американинг Детройт шаҳри маъмурияти келиб чиқиши яманлик бўлган 7 ёшли қизнинг пичоқланганини нафрат жинояти сифатида қўшимча тергов қилишни талаб қилмоқда, деб ёзди TRT.
Ўтган
ҳафтанинг сешанба куни 73 ёшли бобоси билан Детройтдаги Раян истироҳат боғида
айланиб юрган 7 ёшли қизча бўғзидан пичоқланди. Маълумотларга кўра, бир эркак
пичоқ билан Саида Машраҳга яқинлашиб, унинг бошини кўтарган ва томоғини кесган,.
Қизча жиноятчини тепиб, қочиб қутулишга муваффақ бўлган ва уйига – онасининг
ёнига югурган.
Ҳужумдан
сўнг детройтлик Гэри Лански исмли гумонланувчи ўша куни ҳибсга олинган ҳамда қотиллик
ва оғир жиноят ниятида ҳужум қилишда айбланган.
Полициянинг фикрича, Ланский ҳам унинг рафиқаси каби руҳий
касалликдан азият чеккан бўлиши мумкин. Прокуратура матбуот котиби Мария Миллер
жума куни қўшимча маълумот бермасдан, ҳозирда "бу ишда нафрат билан боғлиқ
жиноятлар ҳақида ҳеч қандай далил йўқлигини" такрорлаган.
Аммо қизнинг онаси, Детройтда яшовчи 32 ёшли Амира
Шарханнинг таъкидлашича, бу қизнинг келиб чиқиши билан боғлиқ мақсадли ҳужум
бўлиши мумкин.
“Нега қизимни
танлади? Нега кутилмаганда пайдо бўлди? Нега? – дея Шарханнинг сўзларидан иқтибос келтиради Америка
матбуоти Шархондан иқтибос келтиради. – Мен қизимнинг иши четга сурилишини
хоҳламайман."
Детройт шаҳри
ва Мичиган штатининг
бошқа аҳолиси ҳам бу ишни қўшимча текширишга чақирмоқда.
"Биз Детройт полиция департаменти ва Уэйн округи
прокуратурасини нафрат ҳужумга туртки бўлган ёки йўқлигини аниқлаш учун ушбу иш
бўйича тўлиқ тергов ўтказишга чақирамиз", – деди Америка-Ислом
муносабатлари кенгаши (CAIR) Мичиган директори Довуд Валид.
Шунга ўхшаш чақириқни қилган яна бир таниқли шахс АҚШ Конрессининг Детройт
вакили Рашида Тлаиб Х
ижтимоий тармоғида қизга қилинган ҳужум нафрат жинояти сифатида
текширилиши кераклиги ҳамда араб
ва мусулмонларнинг давомий дегуманизация
қилиниши (обрўсизлантилиши)
мамлакат бўйлаб уларга
нисбатан нафрат жиноятларининг кўпайишига сабаб бўлаётганини таъкидлади.
Мавзуга алоқадор
-
Байден маъмурияти президентнинг ноаниқ ҳарбий сиёсати туфайли мусулмонларнинг овозларини йўқотиш хавфидан тобора кўпроқ ташвишланмоқда.
-
Сингапур Ислом диний кенгаши сунъий гўштни ҳалол деб тан олди ва агар улар ҳалол стандартларига мувофиқ ишлаб чиқарилган бўлса, мусулмонларга бу маҳсулотларни истеъмол қилишга рухсат берувчи фатвони чиқарди.
