12.11.2024 10:36
584
АҚШ Исроилга ғазоликларнинг уйларини бузишда ишлатилаётган бульдозерларни етказиб беришни тўхтатди
АҚШ Ғазодаги уйларни бузишда қўлланилдаётгани сабабли Исроилга 130 дона бульдозер етказиб бериш бўйича келишувни музлатиб қўйди, деб хабар бермоқда Исроил матбуоти.
Исроилнинг "Едиот Ахронот" нашри хавфсизлик манбаларига таяниб, Вашингтон яқинда келишувни тўхтатиб қўйганини, чунки Американинг Caterpillar компанияси томонидан ишлаб чиқарилган D9 бульдозерлари Ғазодаги уйларни бузишда фойдаланилгани ва бу АҚШда кенг танқидларга сабаб бўлганини хабар қилди.
Нашр, шунингдек, бульдозер таъминотининг музлаши Исроилнинг Ғазо ва Негев ўртасида буфер зона яратиш режаларини амалга оширишни кечиктираётганини хабар қилди. Режага кўра, бўшлиқ ҳудуд ташкил этиш учун Ғазо чегараси бўйлаб юзлаб фаластинликларнинг уйлари ва қишлоқ хўжалиги ерларини бузиб ташланиши керак.
Нашрнинг ёзишича, Вашингтон Исроил армияси учун Boeing компаниясидан сотиб олинган 1300 та оғир бомба етказиб беришни ҳам музлатиб қўйган.