АҚШ Яманнинг ёқилғи портини нишонга олди: камида 58 киши ҳалок бўлди

АҚШ ҳарбийлари 17 апрель куни Яманнинг Рас Иса портига ҳаво ҳужуми уюштирди. Ҳусийларга қарашли ОАВнинг хабар беришича, зарба оқибатида камида 58 киши ҳалок бўлган, 126 дан ортиқ одам жароҳатланган.

Рас Иса — мамлакатдаги асосий ёқилғи порти ҳисобланади ва унинг нишонга олиниши Яман аҳолисининг кунлик эҳтиёжларини таъминлашда оғир оқибатларга олиб келиши мумкин.

АҚШ Марказий қўмондонлигининг баёнотига кўра, бу операция Ҳусийларнинг Қизил денгиздаги ҳужумларида фойдаланилаётган инфратузилмаларни йўқ қилиш мақсадида амалга оширилган.

Аммо порт инфратузилмасининг вайрон қилиниши узоқ йиллардан бери блокадада яшаётган Ямандаги гуманитар инқирозни янада чуқурлаштириши мумкин.