АҚШ "Ал-Қоида" етакчиси ҳақидаги маълумот учун 10 млн доллар бермоқчи

АҚШ Давлат департаменти ҳозирги кунда Арабистон яриморолидаги "Ал-Қоида" гуруҳининг раҳбари Саъад бин Атиф ал-Авлақийнинг жойлашуви ёки шахсиятини аниқлашга ёрдам берадиган маълумот учун мукофот пулини 10 млн долларгача оширди.

Маълумот учун, Абу Лайс номи билан ҳам танилган ал-Авлақий 2024 йил март ойида "Ал-Қоида"нинг аввалги етакчиси Холид Батарфий ҳалок бўлганидан сўнг гуруҳ раҳбари бўлган. Америка расмийларининг маълумотларига кўра у:

• Ўз тарафдорларини АҚШ ва унинг иттифоқчиларига қарши ҳужумларга чақирган;
• Америка фуқароларини ўғирлашда иштирок этган;
• Ямандаги америкаликларга қарши ҳужумларда раҳбарлик қилган.