Америка Ғазодаги вақтинчалик бандаргоҳни бузиб ташлайди
АҚШ ҳарбий-денгиз кучлари томонидан икки ой муқаддам Ғазога гуманитар ёрдамни денгиз орқали ташиш баҳонасида қурилган вақтинчалик сузувчи бандаргоҳ бир неча кун ичида бутунлай демонтаж қилиниши кутилмоқда. Бу ҳақда Associated Press исми ошкор этилмаган расмийларга таяниб хабар берди.
Пирс ёмон об-ҳаво туфайли 28 июндан буён ишламаётган эди. Хабар қилинишича, док чоршанба куни Ғазо қирғоқ чизиғига қайта уланди ва Кипрда аллақачон йиғилиб қолган гуманитар юкларни эксклавга етказиш учун фақат кейинги бир неча кун ишлайди.
7 март куни АҚШ президенти Жо Байден томонидан қамал остидаги Ғазо секторида “фавқулодда” порт қуриш режаси амалга оширилган, бироқ икки ой давомида жами 20 кун давом этди. Бу вақт ичида бандаргоҳ орқали 8800 тоннага яқин ёрдам етказилди, бу Исроил агрессиясидан олдин эксклавга кирган бир кунлик қуруқлик ёрдамига тенг. 
Байденнинг режаси танқидчилари 230 миллион долларлик лойиҳа халқаро ҳамжамиятни Исроилни қуруқликдан ўтиш йўлларини очишга босим ўтказишдан чалғитиш ва урушдан вайрон бўлган Ғазода очарчиликни яхшилаш учун ҳеч нарса қилмаслигидан огоҳлантирганди.
Эслатиб ўтамиз, мазкур бандаргоҳ июнь ойида Ғазодаги Нусейрат лагерида 274 фаластинлик қони эвазига 4 нафар исроиллик асир қутқарилган операцияда таянч пункт вазифасини бажарган эди.

Мавзуга алоқадор

  • Ливияда қуролли гуруҳлар ва ҳукумат Триполи хавфсизлигини таъминлашга келишиб олди

    Ливияда охирги икки ойда вазият кескинлашди. Пойтахт Триполи яқинида қуролли тўқнашувлар рўй берди, Марказий банкни 12 йилдан буён бошқариб келаётган Сиддиқ Ал-Кабир истеъфосини талаб қилган қуролли шахслар МБ бош идорасига ҳужум қилди. Томонлар халқаро ҳамжамият босими остида Триполидаги муҳим давлат идоралари хавфсизлигини таъминлашга келишиб олди. Айни пайтда мамлакат БМТ тан олган Абдулҳамид Дбейба ҳукумати ва шарқни назоратга олган ҳарбий етакчи Халифа Хафтар томонидан иккига бўлинган.

    Давомини ўқиш...

  • "Фақат оқ танлилар учун": Шри-Ланка руслар учун визаларни бекор қилди

    Шри-Ланкада бепул туристик виза билан ноқонуний бизнес бошлаган рус ва украинларнинг ижтимоий тармоқлардаги “фақат оқ танлилар учун” қабилидаги эълонлари норозиликларни келтириб чиқарди. Бунинг ортидан барча Украин ва Россия фуқароларига 8 мартга қадар мамлакатни тарк этиш ёки виза учун қайта мурожаат қилиш буюрилди.

    Давомини ўқиш...

Энг кўп ўқилган

Тавсия қилинган