ҲАМАС ўз етакчини танламоқда
Фаластиннинг ҲАМАС ҳаракати Теҳронда Исмоил Ҳания ўлдирилганидан кейин янги раҳбар танлаш жараёнини бошлади. Бу ҳақда шанба куни ташкилот расмий баёнотида маълум қилди.
“Раҳбаримиз [Исмоил Ҳания] шаҳид бўлгач, ҳаракат раҳбарияти
ўзининг бошқарув ва маслаҳат муассасаларида ҳаракатнинг янги етакчисини танлаш бўйича кенг кўламли
маслаҳатлашув жараёнини бошлади”, — дейилади баёнотда.
ҲАМАС
ҳаракати Ҳаниянинг ўлдирилиши “ҲАМАС
ва Фаластин қаршиликларини янада кучлироқ ҳамда ўз йўли ва ёндашувини давом
эттиришда қатъийроқ қилишини” таъкидлади.
Фаластин ҳаракати янги раҳбарни танлаш бўйича
маслаҳатлашувлар натижаларини маслаҳатлашувлар якунланганидан кейин эълон
қилишини маълум қилди.
Аввалроқ
кимлар ҲАМАС Сиёсий бросига раҳбарлик қилиши мумкинлиги ҳақида таҳлилий
мақолани эълон қилган эдик. Унда экспертлар
уч кишининг номзодини тилга олгани келтирилган.
Мавзуга алоқадор
-
ҲАМАС сиёсий бюроси раҳбари Исмоил Ҳания Эрон пойтахти Теҳронда ўлдирилганидан сўнг унинг ўрнига ким ҳаракат раҳбарлигини эгаллайди, деган саволлар пайдо бўлди. Экспертлар уч кишининг номзодини тилга олишмоқда.
-
Уруш, бу – уруш... Исмоил Ҳаниянинг ўлими ҲАМАСнинг янги раҳбари масаласини кўтарди. Олдинги икки етакчи, жумладан, асосчиси Шайх Аҳмад Ёсин вафот этди, бири деярли мўъжизавий тарзда тирик қолди. Ҳаракатнинг истиқболларини тушуниш учун нималарни билиш керак.
