Афғонистон кўчаларида илк бор ахлат қутилари пайдо бўлади

Кобул маъмурияти ушбу ҳудудда беш мингдан ортиқ ахлат қутилари ўрнатила бошланганини маълум қилди. Маълум қилинишича, ушбу ташаббус Афғонистондаги собиқ тузумлар даврида ҳам кўтарилмаган.

"Шаҳарнинг тозалигини сақлаш ва ташқи кўринишини яхшилаш мақсадида Кобул шаҳар ҳокимлиги махсус чиқинди контейнерларини тротуарлар ва асосий кўчалар бўйлаб ўрнатишни бошлади. Лойиҳа бюджети 504 минг долларни ташкил этади. Илгари миллионлаб кобулликлар ахлатни ўзбошимчалик билан яшаш ҳудудларига яқин жойлашган ахлатхонага ёки Кобул дарёсига ташлашган. Бу эса шаҳар канализацияси ва нормал сув таъминоти йўқ шароитда инфекцион касалликлар кўпайишига олиб келган", дейилади баёнотда.