Россиядаги ўзбеклар жамияти раҳбари Усмон Баратов тўрт йилга қамалди
Россиядаги «Ватандош» ўзбек жамияти раҳбари Усмон Баратов Москва вилояти Ступинский шаҳар суди томонидан тўрт йил муддатга озодликдан маҳрум этилди. У аҳоли ўртасида адоват ва нафрат уйғотганлик (РФ Жиноят кодексининг 282-моддаси 2-қисми) моддаси бўйича айбдор деб топилди.
Эслатиб
ўтамиз, Баратовга қарши иш январ ойида РФ Тергов қўмитаси раҳбари Александр
Бастрикиннинг шахсий кўрсатмаси билан очилган. У январь ойида Россияда тухум
нархи ошгани ҳақидаги хабарлардан сўнг “Одноклассники” ижтимоий тармоғидаги
саҳифасига товуқлар суратини жойлаштириб, «Тухум бўлиши учун хўрозларни урушдан
қайтаринг» деган мазмунда изоҳ қолдирган.
Жорий йилнинг 27 февралида Усмон Баратов Росфинмониторинг
экстремистлар ва террорчилар рўйхатига киритилган.
Мавзуга алоқадор
-
Айрим кучларнинг Россияга, шу жумладан Тожикистондан келаётган меҳнат муҳожирлари атрофидаги вазиятни сунъий равишда кучайтиришга уринишлар биргаликда бостирилиши ва халқлар ўртасидаги вақт синовидан ўтган биродарлик муносабатларига путур етказа олмаслиги айтилди.
-
АҚШ ҳам Марказий Осиё давлатлари суверенитетини дастаклаш баҳонасида яна катта ўйинга қўшилди. Аммо бу ўйинда ҳозирча Москва ва Пекиннинг қўли баланд. Марказий Осиё амалда боши берк кўчага кириб қолган.
