ЮНИСEФ: Ғазода ҳар 10 дақиқада бир бола ўлмоқда ёки яраланмоқда
ЮНИСEФ маълумотларига кўра, Фаластин Ғазодаги болалар Исроил ҳужумининг энг оғирлигини кўтармоқда, ҳар ўн дақиқада бир бола ҳалок бўлади ёки яраланади. Ташкилотнинг жамоатчилик билан алоқалар бўлими ходими Тесс Ингрэм қамал остидаги эксклавга икки ҳафталик ташрифи чоғида Ғазолик болалар бошдан кечирган чуқур изтиробларга ойдинлик киритди.
7
октябрдан бери Исроил ҳужумлари 12 минг, ҳар куни қарийб 70 болага таъсир
кўрсатди ва бу рақамлар, Тесс Ингрэмнинг қўшимча қилишича, аслида анча кўпроқ.
“Ғазодаги
минглаб ярадор болалар икки нарсани акс эттиради: (1) бу урушнинг табиати беқарор,
асосан тинч аҳоли, жумладан болаларга таъсир кўрсатади ва уларнинг ўн минглаб нафарининг
ҳаётига зомин бўлади; ва (2) унинг болаларга номутаносиб таъсири – Ғазодаги ҳар
иккинчи одам – бола", деди Ингрэм матбуот анжуманида.
ЮНИСEФ
вакили фаластинлик болаларнинг ўлдирилишини тўхтатиш ва ярадорларни даволаш
учун қамалдаги анклавдан тиббий эвакуациялар сонини кўпайтириш учун ўт очишни
тўхтатишга чақирди.
Сўнгги олти ой ичида Исроилнинг аёвсиз қирғинларида минглаб яраланган ва майиб бўлган болалардан ташқари яна 14 минг нафар вояга етмаган болалар ҳалок бўлди. Шу билан бирга, 18 апрель ҳолатига кўра, ўлганларнинг умумий сони қарийб 34 минг кишини ташкил этмоқда.
Эслатиб
ўтамиз, уч кун муқаддам Ғазодаги Ал-Мағази қочқинлар лагерида ўйин майдончасида
ўйнаётган болалар устига Исроил учувчисиз учоғи орқали берилган зарба оқибатида
барча 11 нафар бола ҳалок бўлди (видео).
.png)
Мавзуга алоқадор
-
ЖАР Исроил БМТнинг 1948 йилги Геноциднинг олдини олиш ва жазолаш тўғрисидаги конвенциясини бузганликда айбламоқда.
-
БМТ Халқаро судида Исроилнинг фаластин халқига нисбатан қатлиоми бўйича ЖАР даъвосини кўриб чиқиш бошланди. Суд мажлисларида Халқаро суд раиси Жоан Донохуэ, ЖАРлик судья Дигганг Эрнест Мосенек, исроиллик судья Аарон Барак иштирок этади.
