Ҳизбуллоҳ Исроилнинг Голан тепаликларидаги казармаларини ўққа тутганини эълон қилди
Ливандаги Ҳизбуллоҳ ҳаракати Исроил томонидан босиб олинган Голан тепаликлари томон ўнлаб ракеталар отилганини хабар қилди.
Ҳизбуллоҳ аъзолари Исроил армиясининг Голандаги “Кила” казармасига ўнлаб «Катюша»
ракеталарини отди. Ливан ҳаракати баёнотида айтилишича, Исроил армияси
казармалари “Ғазо секторидаги қатъий Фаластин халқи ҳамда уларнинг жасур ва
олижаноб қаршиликларини қўллаб-қувватлаш учун ҳужумга учради”.
Ўз навбатида Исроил армияси Ливандан Голан тепаликлари томон
ўнлаб ракеталар учирилганини эълон қилди. Исроил армияси баёнотида айтилишича,
ҳаво ҳужумидан мудофаа тизимлари отилган ракеталарнинг аксарият қисмини тутиб
олди ва қурбонлар йўқ.
Чегарада Ҳизбуллоҳ ҳаракати ва Исроил армияси аскарлари
ўртасидаги тўқнашувлар 8 октябрдан бери давом этмоқда.
.png)
Мавзуга алоқадор
-
Ливанда Ҳизбуллоҳ билан кескинлик кучайгани ортидан Исроил ССВ мамлакат шимолидаги касалхоналарга минглаб ярадорларни қабул қилишга тайёр туришни топширди.
-
Исроил-ҲАМАС можароси туфайли бугун фаластинликларнинг шафқатсизларча қирилаётгани, ёш гўдаклар, кексалар ва аёлларнинг геноцидга учраётгани Яқин Шарқдаги вазиятни кескинлаштириб юборди. Ҳатто зиддиятга Ливаннинг катта нуфузга эга бўлган “Ҳизбуллоҳ” ҳаракатининг аралашиб қолиш эҳтимолини юзага келтирди. Тўғри, ҳозирча Исроил ва “Ҳизбуллоҳ” ўзаро жанги чегарадош ҳудудларни ўққа тутиш билан чегараланган. Аммо зиддият 2006 йил июлидаги 34 кунлик, Исроилнинг мағлубиятига олиб келган уруш каби кенг қамровли ҳарбий ҳаракатларга олиб келмаслигига ҳеч ким кафолат бермайди. Azon Global сисий таҳлилчи Абдували Сойибназаровнинг бу борадаги мулоҳазаларини эътиборингизга ҳавола этамиз.
