Франция Фаластинни тан оладими?
Франциядаги парламент сайловларида ғалаба қозонган сўл партияларнинг "Янги халқ фронти" коалицияси раҳбари Жан-Люк Меланшон ўзининг биринчи қадамларидан бири сифатида Фаластинни тан олиш ниятини эълон қилди.
“Франция ҳозир Фаластин давлатини тан олиши керак. Кучлар мувозанати бутун дунё бу геноцидни қоралашини кўрсатиши лозим”, — деди сиёсатчи.
Фаластин давлатини тан олиш сўл қанот коалициясининг сайловдаги асосий ваъдаларидан биридир. Жан-Люк Меланшон, шунингдек, Исроил халқаро қонунларга риоя қилмагунча, унга қарши санкциялар жорий этишга чақирди.
Европарламентга сайловларда Меленшоннинг “Ишғол қилинмаган Франция” партияси Европарламентнинг биринчи фаластинлик аъзоси бўлган француз-фаластинлик ҳуқуқшунос Рима Ҳасан номзодини илгари сурганди.
Мавзуга алоқадор
-
Италия ташқи ишлар вазири Исроил мергани Ғазодаги черковда икки аёлни отиб ўлдирганини танқид қилди.
-
Жанубий Кореяда Telegram қиёфаларни жонлантиришга хизмат қилувчи дипфейк технологияси орқали ўсмирлар тасвирларидан фойдаланган ҳолда тайёрланган беҳаё видеоларни тарқатишга шароит яратганликда гумонланмоқда. Миллий жиноий қидирув агентлиги раҳбарининг сўзларига кўра, Сеул Telegram бўйича терговда Франция ҳукумати ва турли халқаро ташкилотлар билан ҳамкорлик қилиш ниятида.
