Бомбаланаётган Ғазо: 280-куннинг асосий воқеалари

Исроил Ғазо секторида босқинчилик ва қирғинбарот урушини бошлаганига 280 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар Нусейрат, Хон Юнис ва Рафаҳ лагерларига ҳужум қилди. 24 соат ичида 50 киши ҳалок бўлди. Уруш бошланганидан буён 38345 киши шаҳид бўлди, 88295 нафари яраланди.

▪️Ал-Қассам бригадалари: Ишғолчиларнинг Нитсарим ўқидаги позицияларини бомбардимон қилдик ва Тал ал-Ҳава ҳудудида Меркава танкларини йўқ қилдик.

▪️Ҳусийлар: Ғазони қўллаб-қувватлаш амалиётлари бошланганидан бери 166 та кемага ҳужум қилдик.

▪️Исроил мудофаа вазири Йоав Галлант раҳбарлик лавозимларида ишлаган ҳар бир шахс, жумладан ўзи, бош вазир Бенямин Нетаняху ва юқори мартабали ҳарбий амалдорлар 7 октябрдаги ҳужумлар ва уларнинг оқибатлари билан боғлиқ ҳолда тергов қилиниши кераклигини айтди.

▪️Байден Ғазодаги вақтинчалик бандаргоҳ демонтаж қилиниши ҳақида: “Баъзи ғояларим муваффақиятли чиқмаганидан хафаман. Лойиҳа янада муваффақиятли бўлишига умид қилгандим”.

▪️Эрдоған: Туркия НАТО доирасида Исроил билан ҳамкорлик қилмайди.

▪️БМТ: Ғазо болаларнинг бутун бир авлодини йўқотиш арафасида.

▪️Суриядан ракеталар отилганидан сўнг Голанда ёнғинлар бошланди.

Мавзуга алоқадор

Энг кўп ўқилган

Тавсия қилинган