Америкалик 3 ёшли фаластинлик қизчани чўктирмоқчи бўлди
Иллюстратив фото
Техас штатининг 42 ёшли фуқароси Элизабет Волф 3 ёшли қизни ўлдиришга ва жароҳатлашга уринишда айбланмоқда. У қизчани ҳовузга чўктирмоқчи бўлган ва акасига ҳам ҳужум қилган, дея хабар бермоқда CNN. Ҳодиса америкалик аёл маст ҳолатда қизнинг онаси билан жанжаллаша бошлаганидан кейин содир бўлган.
Америка-Ислом муносабатлари кенгаши жиноятни этник адоват
асосида тергов қилишга чақирди.
Аввалига Волф
буркини (исломий чўмилиш либоси – таҳр.) кийган муслима аёлнинг олдига бориб,
болалари бассейн ёнида ўйнаяптими, деб сўрайди. Сўнгра унинг қаердан эканлигига
қизиқади.
Она унинг
саволига жавоб берар экан, Волф тўсатдан 6 ёшли фаластинлик болачага ташланади.
Аммо бола қочиб кетади. Кейин эса 3 ёшли қизчага ҳужум қилиб, уни чўктиришга
уринади. Она қизини қутқариб
олишга муваффақ бўлади.
Иккала бола ҳам тиббий ёрдамга муҳтож эди.
“Биз фаластинлик АҚШ фуқароларимиз. Нега фарзандларим ва
ўзимни мамлакатимизда хавфсиз ҳис қила олмаётганимизни тушунмаяпман”, деди аёл.
Ҳибсга олинганидан кейин Элизабет Волф гаров эвазига озод қилинди.
.png)
Мавзуга алоқадор
-
АҚШда Берт Жеймс Бейкер исмли шахс Фаластинни қўллаб‑қувватлаб ўтказилган намойишдан қайтаётган америкалик мусулмонларга пичоқ билан ҳужум қилиб, улардан бирини жароҳатлади. Америка-Ислом муносабатлари кенгаши унга нисбатан нафрат билан боғлиқ жиноят бўйича айблов қўйишга чақирди.
-
Мусулмон ташкилотлари 15 март - Халқаро исломофобияга қарши кураш куни муносабати билан халқаро ҳамжамиятни Исроил, Ҳиндистон, Хитой ва Франция ҳукуматлари томонидан содир этилаётган исломофобик бошбошдоқликларга эътибор қаратишга чақирди.
