Туркия жаҳон савдосидаги улушини рекорд даражага оширди
2023 йилнинг январь-сентябрь ойларида Туркиянинг жаҳон савдодаги улуши 1,06 фоизга етди, дея маълум қилди Туркия савдо вазири Омер Болат, дея хабар бермоқда TRT.
“Жаҳон Савдо Ташкилоти томонидан эълон қилинган сўнгги маълумотларга кўра, 2023 йилнинг 9 ойида экспортимиз 253,3 млрд долларга ўсди. Туркиянинг улуши кўрсатилган даврда жаҳон савдосининг 1,06 фоизини ташкил этиб, рекордни янгилади. 2022 йил якунларига кўра, мамлакатимизнинг жаҳон экспортидаги улуши 1,02 фоизни ташкил этди”, — деб ёзди вазир Х (собиқ Твиттер) ижтимоий тармоғида.
Маълумотларга кўра, Туркиянинг 2022 йилдаги жами экспорти 254 млрд долларни ташкил этди. Мамлакат ҳукумати 2028 йилгача экспорт ҳажмини 400 млрд долларга етказишни режалаштирган.
Аввалроқ, декабрь
ойи охирида мамлакат
президенти Режеп Таййип
Эрдоған Туркия Марказий банкининг валюта
захиралари рекорд даражадаги 145,4 млрд долларга етганини
хабар қилганди.
Мавзуга алоқадор
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
-
Аташеҳир тумани Миллий таълим мудирлиги мактабларга дарс соатларини жума намозига кўра ташкил этиш бўйича кўрсатма юборди.
