Ливанда янги портлашлар тўлқини оқибатида тўққиз киши ҳалок бўлди
Ливандаги янги портлашлар оқибатида камида 9 киши ҳалок бўлди, яна 300 киши яраланди. Бу ҳақда Reuters мамлакат Соғлиқни сақлаш вазирлигига таяниб хабар берди.
Чоршанба оқшомида республиканинг турли ҳудудларида портлаш
овозлари эшитилди. Al Hadath телеканали маълумотларига кўра, бу сафар радиолар,
телефонлар, бармоқ излари қурилмалари, шунингдек, қуёш батареялари ва
литий-ионли батареялардан қувват оладиган қурилмалар портлаган.
Эслатиб
ўтамиз, 17 сентябрь куни Ливанда “Ҳизбуллоҳ” ҳаракати аъзолари фойдаланган
пейжерларда бир вақтда портлашлар содир
бўлди. Портлашлар натижасида жами 9 киши, жумладан бир бола ҳалок бўлди,
2800 киши жароҳатланди, улардан 200 нафарининг аҳволи оғир. Тафсилотлар
Мавзуга алоқадор
-
Исроил ҳукумати Ливан билан фронтда юзага келиши мумкин бўлган кескинлашувга тайёргарлик кўриш учун қўшимча 50 минг захирадаги ҳарбий хизматчилар чақирувини маъқуллади. Фаол захирадаги аскарларнинг умумий сони шимолда Ливан билан эҳтимолий жангларга тайёргарлик кўриш учун 300 минг нафардан 350 минггача кўтарилди. Ливан билан чегарада Исроил ҳарбий кучлари сони ортиб бормоқда.
-
Ливанда “Ҳизбуллоҳ” ҳаракати аъзолари фойдаланган пейжерларда бир вақтда портлашлар содир бўлди. Портлашлар натижасида жами 9 киши, жумладан бир бола ҳалок бўлди, 2800 киши жароҳатланди, улардан 200 нафарининг аҳволи оғир. Тафсилотлар
