Ғазодаги оммавий қабрлардан 190 кишининг жасади қазиб олинди
Исроил армияси Ғазо сектори жанубидаги Хон Юнус шаҳарчасидан олиб чиқилгач, Насир касалхонаси мажмуасидаги оммавий қабрдан 190 кишининг жасади чиқариб олинди.
Соғлиқни сақлаш манбаларининг Фаластиннинг WAFA расмий
хабар агентлигига маълум қилишича, қидирув-қутқарув гуруҳлари Насир касалхонаси
мажмуасидаги оммавий қабрдан Исроил кучлари томонидан ўлдирилган турли ёшдаги
190 нафар эркак ва аёлнинг жасадини қазиб олди.
Хабарда айтилишича, Исроил армияси Насир касалхонасига
уюштирилган рейд чоғида ҳалок бўлган фаластинликларни қурилиш техникалари ёрдамида шифохона атрофида очилган оммавий қабрларга кўмиб ташлаган, 500 га яқин
одамнинг ҳамон бедарак йўқолганлигини таъкидлади.
Исроил қўшини томонидан 4 ойдан бери бомбардимон қилинган
Хон Юнусда йўллар, кўчалар ва уйлар вайроналари остида кўп сонли жасад қолмоқда.
Мавзуга алоқадор
-
Исроил армияси Ғазо сектори жанубидаги Хон Юнус шаҳридан чиқиб кетиши ортидан Носир касалхонаси ҳудудида учта оммавий қабр топилди. Улардан жами 392 нафар фаластинлик, жумладан, аёллар ва болаларнинг жасадлари чиқариб олинди. Баъзи жасадларда қийноқ ва қатл аломатлари бор.
-
2014 йил июнь ойида Ироқнинг Мосул ва бошқа ҳудудларини қўлга киритган ИШИД террор ташкилоти Тал Афар туманида халқ тили билан “Дўзах қудуғи” деб аталадиган ботиққа 1000 дан зиёд тинч аҳоли вакиллари, жумладан, болалар ва аёлларни ўлдириб, кўмган. Улар орасида Ироқ туркманлари вакиллари ҳам бор. Бугунги кунда ушбу ҳудуддаги оммавий қабрлардан жасад қолдиқлари чиқариб олиниб, ДНК текширувидан ўтказилмоқда ва шахслари аниқланмоқда.
