Исроилнинг Шин Бет хавфсизлик агентлиги раҳбари Ронен Бар Ғарбий Соҳилда яҳудий келгиндилар террори назоратдан чиқиб кетгани учун бош вазир Беньямин Нетаняху, миллий хавфсизлик вазири ИТамар Бен-Гвир ва бошқаларни танқид қилди. Бар Ғарбий Соҳилда “Тепалик ёшлари” деган ном билан танилган, фаластинликларга қарши қотиллик, ўт қўйиш ва қўрқитиш кампаниясини олиб бораётган яҳудий экстремистларнинг хатти-ҳаракатларини жиноят сифатида эмас, балки терроризм сифатида таснифлаш кераклигини айтди.