Тожикистон ИИВ Россиядан чиқариб юборилган муҳожирлар орасида экстремистларни топмади
Тожикистон Меҳнат вазирлиги маълумотларига кўра, 2024 йилнинг биринчи ярмида республиканинг 17,1 минг фуқароси Россиядан чиқариб юборилган. Тожикистон Ички ишлар вазирлиги эса Россиядан миграция қонунчилигини бузгани учун депортация қилинган фуқаролар орасида террористик ёки экстремистик характердаги жиноятларга алоқадор шахсларни топмади.
Бу ҳақда ИИВ бошқарма бошлиғининг биринчи ўринбосари Абдураҳмон Аламшозода матбуот анжумани чоғида маълум қилди.
“Уларнинг террористик ёки экстремистик характердаги жиноятларини содир этганликлари бўйича бирорта ҳам факт қайд этилмаган”, деди у ТАСС журналистининг саволига жавобан.
Мавзуга алоқадор
-
Саудия Арабистони мусулмон бўлмаган дипломатлар учун мўлжалланган биринчи алкоголь дўконини очишни режалаштирмоқда. Спиртли ичимликлар харид қилиш учун улар мобил иловада рўйхатдан ўтишлари ва Ташқи ишлар вазирлигидан рухсатнома олишлари керак бўлади.
-
Доғистон муфтиятининг фатво бўлими ниқобни вақтинчалик тақиқлаш бўйича фатво чиқарди. Унга кўра, тақиқ республика аҳолиси хавфсизлигига таҳдидлар мавжудлиги сабаб қилиб кўрсатилди ва мазкур хавф-хатарлар бартараф этилиб, “янги фатво” чиққунига қадар амалда бўлади. Аввалроқ Доғистон муфтияти ниқобни бутунлай тақиқлаш учун етарлича исломий асослар топа олмаганини эълон қилган, бироқ анъанавий либосларни кийишни “маҳаллий даражада тақиқлаш”га рухсат берганди.
