Бомбаланаётган Ғазо: 325-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 325 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Нусайрат лагери, Хон Юнис ва Ғазо марказига
ҳужум қилди. 24 соат ичида 28 киши вафот этди.
▪️Ғарбий Соҳилда ишғолчилар Қалқиля, Халил, Наблус,
Байтлаҳмга бостириб киришади. Салфит шаҳрида босқинчилар машинани отиб ташлади,
2 фаластинликни ўлдирди.
▪️Ал-Қассам бригадалари: Сионистларнинг тинч аҳолини қирғин
қилишига ва халқимизни кўчирилишига жавобан М90 Макадма ракетаси билан
Тел-Авивга ҳужум қилдик.
▪️Босқинчиларнинг ҳаво мудофааси Ғазодан келаётган ракеталарга бардош бера олмади. Кўчманчилар орасида ярадорлар ҳам бор.
▪️ Исроил босқинчи армияси 7 октябрдан бери АҚШдан 50 минг
тоннадан ортиқ қурол, ракета ва ҳарбий техника олганини маълум қилди. Бу 500 та ҳаво рейслари ва 107 та
денгиз жўнатмалари орқали амалга оширилди.
▪️Нацистларнинг ҳудудга ҳужум қилиш таҳдиди ортидан Дейр ал-Балаҳдаги Ал-Ақса касалхонаси беморлари бошқа жойларга кўчишга мажбур бўлмоқда.
▪️Колумбия университетидан Фаластин тарафдори намойишчилар Ғазони қўллаб-қувватлаш учун ўз митингларини давом эттирдилар.
▪️ Эрон ташқи ишлар вазири Аббос Арагчи: "Теҳронда қўмондон Исмоил Ҳаниянинг ўлдирилишига Эроннинг жавоби муқаррар, аниқ ва ўйланган бўлади".
Мавзуга алоқадор
-
Бугун, Қурбон ҳайити муносабати билан Туркиянинг дин ишлари бўйича бошқармаси ва диний жамғармаси (ТДЖ) иштирокида 1500 бош чорва моллари қурбонлик қилинди. Маълумот учун, бир йилдан буён фуқаролик урушидан азият чекаётган 50 миллион аҳолига эга Суданда 15 минг тинч аҳоли қурбон бўлди, 25 миллион киши очликдан азият чекмоқда ва 11 миллион киши ўз уйларини тарк этган. Украинадаги уруш ҳақида жар солаётган халқаро ҳамжамият Судандаги мавжуд ҳолатга кўз юммоқда.
-
АҚШнинг собиқ президенти Дональд Трамп Айова штатида бўлиб ўтган Республикачилар партиясининг праймериз сайловларида ишончли ғалаба қозонди. Республикачилар партиясидан яна бир номзод - Вивек Рамасвами АҚШнинг собиқ президенти Трамп фойдасига сайловда қатнашишдан бош тортди.
