Бомбаланаётган Ғазо: 287-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 287 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Босқинчилар Рафаҳ, Нусайрат
лагери, Хон Юнис ва Ғазо шаҳрига ҳужум қилди. Бир кунда 50 дан ортиқ одам ҳалок
бўлди. Уруш бошланганидан буён 38 848 киши шаҳид бўлди.
▪️Ғарбий Соҳилда Қалқиляда
босқинчилар қидирувдаги эркакнинг оиласини гаровга олди.
▪️Ғарбий Соҳил шимолида қаршилик кучлари аскарлари бўлган
машинани портлатиб юборди.
▪️Ал-Қассам бригадалари Нитсарим ва Рафаҳ ўқи ҳудудида ишғол
пиёдаларини йўқ қилди.
▪️Яман қаршилик ҳаракати дронлар билан пойтахт Тел-Авивга
ҳужум қилди. Бир киши ҳалок бўлди, етти киши яраланди. Портлаш АҚШ консуллиги
яқинида юз берди.
▪️Ғазо Соғлиқни сақлаш вазирлиги: Ғазода ўта юқумли
полиомиелит аниқланди. Вирус сувда топилган. Босқинчилар анклавдаги мавжуд сув
миқдорини 94 фоизга камайтириб
юборди.
▪️Босқинчилар Ливаннинг Сафад ал-Ботиҳ шаҳрига ҳужум қилди.
2 киши ҳалок бўлди, 12 киши яраланди.
▪️Нацист Нетаняху Рафаҳга ташриф буюриб, аскарлар билан учрашди. Улардан
бирининг: «Шимол билан-чи?» дея Ҳизбуллоҳ ҳужумлари натижасида бўшаб қолган
Исроил шимолини назарда тутиб берган саволига нацист географик жиҳатдан шимол қаерда
эканини кўрсатиш билан
чекланди.
Мавзуга алоқадор
-
Исроиллик ёзувчи ва сиёсатчи Ави Липкин Макка, Мадина ва Синай тоғи босиб олинганидан сўнг Исроил чегаралари Ливандан Саудия Арабистонигача чўзилишини айтди.
-
Туркиянинг Табиий офатлар ва фавқулодда вазиятлар бошқармаси (AFAD) томонидан тайёрланган 2408 тонна инсонпарварлик ёрдами юкланган кема Туркиянинг Мерсин халқаро портидан Суданга йўл олди. 160 тонна дори-дармон ва тиббий асбоб-ускуналар, 128 тонна кийим-кечак, 90 тонна гигиена воситалари, 44 тонна кўрпа-тўшак ва турли бошпана материаллари ортилган кеманинг 19-21 июль кунлари Суданга етиб бориши кутилмоқда.
