Isroil manfaatlarini himoya qilgan yahudiy amaldorlar ham Baydendan yuz oʻgirmoqda
AQSh Ichki ishlar departamenti xodimi Isroilning Gʻazodagi "genotsid" urushini soʻzsiz qoʻllab-quvvatlayotganiga norozilik sifatida omma oldida isteʻʻfoga chiqqan birinchi yahudiy amaldorga aylandi. “Prezident Baydenning Isroilning Gʻazodagi genotsidini halokatli va davomli qoʻllab-quvvatlashi fonida men endi vijdonan bu maʻʻmuriyat vakili boʻla olmayman”, dedi Lili Grinberg Koll.
Ichki ishlar departamenti boshligʻining maxsus yordamchisi Koll Baydenni AQShning urushdagi siyosatini oqlash uchun yahudiylardan foydalanganlikda ayblab, uning ota-bobolari “davlat tomonidan qoʻllab-quvvatlangan zoʻravonlik” natijasida oʻldirilganini taʻʻkidladi.
“Prezident Baydenning Isroilning Gʻazodagi genotsidini halokatli va davomli qoʻllab-quvvatlashi fonida men endi vijdonan bu maʻʻmuriyat vakili boʻla olmayman. Oʻylaymanki, prezident uning maʻʻmuriyatida buni halokatli deb hisoblaydigan odamlar borligini bilishi kerak”, — deb yozgan Lili Grinberg Koll isteʻʻfoga chiqish xatida.
Taʻʻkidlash joizki, bu allaqachon oʻrta yoki yuqori darajadagi maʻʻmuriyat xodimining norozilik bilan isteʻʻfoga chiqishi bilan bogʻliq beshinchi holat.
Koll Baydenning izohlariga ishora qildi, jumladan, Oq uydagi Hanukka tadbirida, u "Agar Isroil boʻlmaganida, dunyoda xavfsiz boʻlgan birorta yahudiy ham boʻlmas edi” degan.
“Oxirgi sakkiz oy ichida Qoʻshma Shtatlar Isroilni javobgarlikka tortish uchun unchalik katta imkoniyatlardan foydalanmadi. Aksincha, biz BMTning Isroilni javobgarlikka tortuvchi rezolyutsiyalariga veto qoʻyish orqali Isroilning harakatlarini qoʻllab-quvvatladik va qonuniylashtirdik”, — deb yozadi Koll.
Koll Berklidagi Kaliforniya universitetida taʻʻlim olgan. Soʻng, Bayden va vitse-prezident Kamala Xarrisning prezidentlik kampaniyalarida ishladi. 2023 yil fevralʻ oyida AQSh hukumati tomonidan tayinlanishidan oldin, u uzoq vaqtdan davomida Vashington va boshqa joylarda Isroil uchun himoyachi boʻlgan.
"Isroilning Gʻazo xalqi va falastinliklarga qilgan ishlari menga ota-bobolarimiz uchun sharmandalikdek tuyuladi", dedi u The Washington Post gazetasiga bergan intervʻyusida
.png)
Mavzuga aloqador
-
AQSh Senati Ukraina va Isroilga 110 milliard dollarlik moddiy yordam ajratish toʻgʻrisidagi qonunni rad etdi.
-
Nomaʻʻlum jangarilar Iroq poytaxti Bogʻdod shahri markazidagi qattiq qoʻriqlanadigan “yashil hudud”da joylashgan AQSh elchixonasini raketa bilan oʻqqa tutdi.
