Бойсундаги конда олтингугурт гази чиқиши кузатилди, аҳоли эвакуация қилинди
Ўзбекистон ФВВ
1 сентябрь куни Сурхондарё вилояти Бойсун туманидаги конда олтингугурт гази чиқиши кузатилди, деб хабар берди Ўзбекистон Фавқулодда вазиятлар вазирлиги.
Қайд
этилишича, соат 15:17 да туманнинг «Кўлқамиш» МФЙ ҳудудида жойлашган
«Мустақилликнинг 25 йиллиги» (М-25) конига қарашли 604-сонли қудуғида бурғулаш
ишлари олиб борилаётганида технологик жараённинг бузилиши сабабли олтингугурт
(водород сулфид) гази чиқиши кузатилган.
«Аҳоли
хавфсизлигини таъминлаш мақсадида кон яқинида яшовчи фуқаролар хавфсиз ҳудудга
эвакуация қилинган», дейилади хабарда.
Ижтимоий
тармоқларда пайдо бўлган видеоларда тунги вақтда юзлаб одамларнинг
ҳаракатланаётганини кўриш мумкин.
ФВВ фуқароларнинг
жароҳат олиш ва ҳалок бўлиш ҳолатлари қайд этилмаганини қўшимча қилди.
Сурхондарё
вилояти ҳокимлигининг хабар беришича, ҳудудга вилоят раҳбари Улуғбек Қосимов,
алоқадор мутасадди ташкилот ва идоралар ҳамда бошқармалар масъуллари етиб
борган.
«Фавқулодда
ҳолат содир бўлган ҳудудда ҳавонинг ифлосланиш даражасини ўрганиш, келиб чиққан
ҳолатларни бартараф этиш бўйича ишлар олиб борилмоқда», — дейилади хабарда
Мавзуга алоқадор
-
Шинжон-Уйғур автоном райони Халқ ҳукумати раиси Эркин Тунияз Ўзбекистонга ташриф буюриб, президент Шавкат Мирзиёев ва бош вазир Абдулла Арипов билан учрашди. Учрашувларда Ўзбекистон ва Хитой ўртасидаги савдонинг 10 фоизи ШУАР ҳиссасига тўғри келиши, ушбу ҳудуд билан ҳамкорликдаги инвестиция лойиҳалари портфели 3,5 млрд долларни ташкил этиши маълум қилинди.
-
Британия ташқи ишлар вазири Дэвид Кэмерон “қайси соҳа ва корхоналар, таълим муассасалари билан ҳамкорлик қилиш кераклигини биладиган барча билан давра суҳбати ўтказиш” учун Марказий Осиё давлатларига ташриф буюришни режалаштирмоқда. Аввалроқ парламентда Британиянинг МО давлатлари билан алоқалари самарасиз йўлга қўйилгани танқид қилиниб, Россия ва Хитойнинг минтақадаги таъсирини камайтириш чораларини кўришга чақирилган эди.
