Оқ уй Ғазода ҳеч қандай геноцид аломатларини кўрмаяпти — АҚШ миллий хавфсизлик бўйича маслаҳатчиси Жейк Салливан
АҚШ ҳукуматининг миллий хавфсизлик бўйича маслаҳатчиси Жейк Салливан Оқ уй маъмурияти Ғазода Исроил томонидан геноцидга йўл қўйилгани далилларини кўрмаётганини маълум қилди. Бу ҳақда АҚШ ҳукумати манбасига таяниб, Reuters агентлиги хабар берди.
Салливанга кўра, Қўшма Штатлар ҲАМАСнинг мағлуб бўлишини кўришни истайди. Вашингтондаги ҳукумат расмийси, шунингдек, уруш гирдобида қолган фаластинликлар ўта оғир шароитда яшаётгани ва Исроилнинг Рафаҳдаги йирик ҳарбий амалиёти хато бўлганини таъкидлаган.
“Биз Ғазода содир бўлаётган воқеалар геноцид эканлигига ишонмаймиз. Биз бу даъвони қатъий рад этиб келганмиз”, — деган Жейк Салливан Оқ уйда журналистларга.
Хавфсизлик бўйича маслаҳатчи исроиллик кўчманчиларнинг Ғазо шимолидаги Эрез ўтиш жойи томон ҳаракатланаётган инсонпарварлик ёрдам карвонига ҳужум қилгани ҳақидаги хабарлардан хавотир билдирган. Бир ҳафтадан камроқ вақт ичида иккинчи бор бундай ҳодиса рўй бериши вазиятни ниҳоятда оғирлаштириши мумкинлигини билдирган.
Жейк Салливан айтишича, АҚШ президенти Байден Исроил етакчиси Беньямин Нетаняхунинг урушга ёндашувига таъсир ўтказишга уринган. Бироқ мамлакат олий расмийлари Исроил суверен, демократик давлат эканлигини таъкидлаб, пировардида қарорни унинг ўзи қабул қилиши кераклигини талаб қилишмоқда.
“Исроил бош вазири бизга жавоб бериши шарт эмас. У Исроил халқи олдида жавоб бериши керак”, — деган Салливан.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Америкалик мусулмонлар Исроилнинг Ғазога қарши урушида АҚШ президентининг ҳаракатларига нисбатан ўз позициясини акс эттирувчи “Байдендан воз кечиш” кампаниясини бошлашни режалаштирмоқда, дея хабар қилди Axios нашри.
