БМТ Бош Ассамблеяси 12 декабрь куни Ғазо масаласини муҳокама қилиш учун йиғилади
БМТ Бош
Ассамблеяси 12 декабрь, сешанба куни тушдан сўнг Ғазодаги гуманитар инқирозни муҳокама қилиш учун
йиғилади. Бу ҳақда TRT World
Бош Ассамблеянинг навбатдан ташқари йиғилиши Араб лигаси ва Ислом ҳамкорлик ташкилотлари раиси ўлароқ Миср ва Мавритания вакиллари томонидан чақирилди.
Дипломатик
манбалардан олинган маълумотларга кўра, қарорлари мажбурий бўлмаган Бош
Ассамблея йиғилишда ўт очишни тўхтатиш қарори матнига овоз бериши мумкин.
Қайд
этилишича, лойиҳа матни Хавфсизлик Кенгашининг жума куни вето қўйилган “Ғазо
секторидаги ҳалокатли гуманитар вазиятдан жиддий хавотир билдирувчи”
резолюцияси сўзлари билан жуда мос келади.
Унда
“зудлик билан гуманитар ўт очишни тўхтатиш”, шунингдек “барча гаровга олинганларни
зудлик билан ва сўзсиз озод қилиш” талаб қилинади.
Эслатиб
ўтамиз, ўтган ҳафта жума куни АҚШ вето ҳуқуқидан фойдаланган ҳолда БМТ Хавфсизлик
кенгашининг Ғазода ўт отишни тўхтатиш ҳақидаги резолюциянинг қабул қилинишага
тўсқинлик қилган эди.
Мавзуга алоқадор
-
Исроил Ғазо секторида босқинчилик ва қирғинбарот урушини бошлаганига 292 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Россия Бош прокуратурасининг Федерал хавфсизлик, миллатлараро муносабатлар, экстремизм ва терроризмга қарши курашиш тўғрисидаги қонунлар ижросини назорат қилиш бошқармаси прокурори Дмитрий Вагурин жамиятда чет эллик ва муҳожирларга нисбатан нафрат сунъий равишда қўзғатилаётгани ва бу мамлакатнинг барбод бўлишига олиб келиши мумкинлигини таъкидлади. Шунингдек, у Марказий Осиёдан келган муҳожирларни бизнес соҳаларини эгаллаб олиш, Россия иқтисодиёти ва ўзига хослигига зарар етказишда айблади.
